Niadtong Marso 2019, usa ka sunog sa Pilipinas ang milamoy sa 128 ka balay sa Calbayog City sa Samar Island. Sa miaging bulan, dunay nahitabong sunog sa Taguig City sa Luzon. Sa katibuk-an, pito ka balay sa mga Saksi ni Jehova ang nasunog. Ang atong mga igsoon nga namakwet nagpuyo karon sa balay sa mga igsoon nga wala ra maapil sa sunog.

Miaksiyon dayon ang sangang buhatan pinaagi sa pagpadalag mga pagkaon, tubig, ug mga sinina. Ang mga ansiyano miduaw, mihupay, ug nagtaganag praktikal nga tabang sa mga igsoong naapektohan. Duha ka Disaster Relief Committee, uban ang tabang sa mga igsoon sa Local Design/Construction, ang nangandam aron tukoron pag-usab ang mga balay sa atong mga igsoon.

Masaligon ta nga si Jehova padayon nga mahimong dangpanan sa atong mga igsoon nga naapektohan niini nga mga sunog.—Salmo 62:8.