Ang sunodsunod nga kusog nga linog mitay-og sa southern Philippines sugod niadtong Oktubre 16, 2019. Tungod niini, 21 ka tawo ang namatay, kapig 400 ang nasamdan, ug kapig 35,000 ang kinahanglang mobakwet. Labing menos tulo niini nga mga linog maoy kapig 6.0 magnitude. Ug duna gihapoy mga aftershock. Walay igsoon nga namatay, pero usa ka sister ang nakaagom ug minor injury.

Upat ka Kingdom Hall ug 195 ka balay sa atong mga igsoon ang grabeng naguba; 9 ka Kingdom Hall ug 351 ka balay ang medyo nadaot. Daghan sa atong mga igsoon ang nagpuyo sa mga tent kay dili luwas sa ilang balay.

Ang sangang buhatan sa Philippines nagtudlog duha ka Disaster Relief Committee sa pagtaganag tabang sa mga igsoon. Unom ka representante sa sangang buhatan, apil ang tulo ka membro sa Komite sa Sangang Buhatan, ang miduaw sa apektadong lugar sa pagtaganag espirituwal nga pagdasig.

Atong iampo nga si Jehova padayong magtabang sa atong mga igsoon nga naapektohan niini nga linog.—Salmo 70:5.