Libolibo ang napugos sa pagbakwet tungod sa duha ka grabeng bagyo, ang Kai-tak (sa Pilipinas, Urduja) ug Tembin (sa Pilipinas, Vinta), nga miresultag baha ug mudslide sa Pilipinas sa hinapos sa Disyembre.

Duha ka Kingdom Hall ug unom ka balay sa mga Saksi ni Jehova ang nadaot, ug 281 ka pamilya ang namakwet. Naguol mi sa pagbalita nga sa Lanao del Norte, dihay 24 anyos nga sister nga nalumos sa baha.

Ang mga hinabang gihatag sa mga Saksi nga naa sa duol. Ang mga representante sa sangang buhatan sa Pilipinas nangandam sa pagbisita sa apektadong mga lugar aron hibaloon kon unsa pay gikinahanglan sa mga igsoon ug palig-onon sila sa espirituwal ug emosyonal.

Misimpatiya ta sa tanang apektado, ang mga namatyan ug nawad-ag kabtangan. Makasalig ta nga si Jehova padayong maghupay ug motabang pinaagi sa iyang espiritu ug organisasyon samtang ginahimo ang pagtabang aron makarekober sila.—Salmo 9:9; Isaias 51:12.

Media Contacts:

International: David A. Semonian, Office of Public Information, +1-845-524-3000

Philippines: Dean Jacek, +63-2-224-4444