Niadtong Enero 26, 2021, gihukmang sad-an sa Leninskiy District Court of Rostov-on-Don si Sister Galina Parkova ug gipahamtangan siyag suspended prison sentence nga duha ka tuig ug tulo ka bulan. Dili siya mapriso niining higayona.

Sa iyang pangataposang pamulong sa korte, siya walay kahadlok nga miingon: “Ingong tawo nga may pagtuo, nasabtan nako ang mga hinungdan sa akong mga kalisdanan karon. Ang akong Ginoong Jesu-Kristo nagtagna sa maong mga hinungdan. Sa Ebanghelyo ni Juan kapitulo 15, bersikulo 20, si Jesus miingon: ‘Ang ulipon dili labaw sa iyang agalon. Kon ila kong gilutos, kamo usab ilang lutoson.’

“Kon ingon niana ang ilang pagtratar kang Jesus, nga nag-ayo ug nagpakaon ug mga tawo ug nagsulti sa mga tawo bahin sa iyang Amahan ug sa umaabot nga Gingharian, unsay angayng dahomon sa mga sumusunod ni Jesus? Ang paglutos tungod sa akong pagtuo nakapalig-on sa akong kombiksiyon nga naa ko sa hustong dalan!”