Niadtong Pebrero 2, 2021, gihukmang sad-an sa Birobidzhan District Court of the Jewish Autonomous Region ang 35 anyos nga si Artur Lokhvitskiy. Ang korte nagpahamtang ug duha ka tuig ug unom ka bulan nga suspended prison sentence ug tulo ka tuig nga probation. Dili mapriso si Artur niining higayona.

Sa iyang pangataposang pamulong sa korte, si Artur miingon: “Usa ka dakong kadungganan nga makigbahin niini nga husay, bisag unsa pay mahitabo. Nakita nako pag-usab ang katumanan sa giingon ni Jesu-Kristo. Kini nga mga pulong naa sa basahon sa Bibliya sa Marcos kapitulo 13, bersikulo 9 ug 10: ‘Pagbantay mo, kay itugyan mo sa mga tawo ngadto sa mga korte ... aron makahatag mog pamatuod kanila. Dugang pa, ang maayong balita kinahanglang iwali una sa tanang kanasoran.’ ... Kini nga kahibalo nagdasig nako sa pagsulti sa uban bahin sa mga katuyoan sa Diyos. Pribilehiyo nako nga isulti kini kanimo, Your Honor.”