Niadtong Mayo 23, 2019, gibasura sa tulo ka huwes sa Oryol Regional Court ang apelasyon ni Dennis Christensen ug gisuportahan ang unom ka tuig nga sentensiya sa pagkapriso nga iyang nadawat sa miagi. Mga 80 sa atong mga igsoon ang nanambong sa husay. Presente pod ang mga opisyal gikan sa Australia ug Denmark. Ang mga resulta niini nga kaso ginabalita na sa media sa tibuok kalibotan.

Sa milabayng tulo ka bulan sukad nga gisentensiyahan si Brader Christensen niadtong Pebrero, 115 na ka balay ang gi-raid. Midaghan pod ug tulo ka pilo ang gipasakang kriminal nga kaso batok sa mga Saksi ni Jehova kon itandi sa milabayng tulo ka bulan.

Atong ginaampo si Brader Christensen ug ang tanan natong igsoon sa Russia. Masaligon ta nga si Jehova “duol sa tanang nagatawag kaniya” ug padayon niyang tabangan ang atong mga igsoon nga makapabiling lig-on bisan pa sa mga paglutos.—Salmo 145:18.