Niadtong Pebrero 18, 2020, gihukmang sad-an sa Zheleznodorozhniy District Court sa Khabarovsk, Russia, si Brader Yevgeniy Aksenov ug gihatagag duha ka tuig nga suspended prison sentence. Kon mobalhin ug puy-anan o mohimog krimen si Brader Aksenov sulod nianang duha ka tuig, siya prisohon. Sulod sa unang unom ka bulan niini nga sentensiya, gipailalom siya sa probation ug kinahanglang moadto sa estasyon sa polis kada bulan. Dugang pa, panahon sa iyang probation, dili siya puwedeng mobiyahe sa gawas sa siyudad sa Khabarovsk ug dili siya puwedeng mobiya sa iyang balay sa magabii. Moapelar si Brader Aksenov niini nga desisyon.