Niadtong Pebrero 14, 2020, gihukmang sad-an sa Vilyuchinsk City Court si Brader Mikhail Popov ug ang iyang asawa, si Sister Yelena Popova. Gipamulta sa korte si Brader Popov ug 350,000 rubles ($5,508 U.S.) ug si Sister Popov gipamultag 300,000 rubles ($4,722 U.S.), pero wala sila sentensiyahig pagkapriso. Sila moapelar sa korte.

Si Mikhail ug Yelena gidakop niadtong Hulyo 2018. Human dakpa, sila gipagawas aron maghulat ug husay.

Sukad sa 2019, 28 na ka Saksi ni Jehova ang gihukmang sad-an sa mga korte sa Russia tungod sa ilang pagtuo. Ang 10 niini gihukmang sad-an niadto lang milabayng duha ka bulan. Pero kining 10 wala pa prisoha.