Niadtong Abril 29, 2021, wala baliha sa Court of the Jewish Autonomous Region ang hukom nga sad-an si Igor ug gipatuman niini ang iyang orihinal nga duha ka tuig ug tunga nga suspended prison sentence.

Niadtong Pebrero 12, 2021, gihukmang sad-an sa Birobidzhan District Court of the Jewish Autonomous Region si Igor. Gipahamtangan siya sa korte ug duha ka tuig ug tunga nga suspended prison sentence.

Nagpabiling lig-on ug positibo si Igor panahon sa iyang husay. Sa iyang pangataposang pamulong sa korte niadtong Pebrero 11, 2021, siya miingon: “Naghunahuna ko kon unsaon nako pagsugod ang akong pangataposang pamulong, ug nakadesisyon ko sa pagpadapat sa tambag ni apostol Pablo ngadto sa tanang Kristohanon. Sa iyang sulat para sa mga taga-Colosas, iya silang giawhag: ‘Ipakita nga mapasalamaton mo.’

“Busa, gusto ka nakong pasalamatan, Your Honor, kay kalmado ang tanan panahon sa husay, ug imo ming gipaminawan. . . . Pero espesipiko nakong giapresyar ang atong Maglalalang ug Diyos, si Jehova, kay iya kong gisuportahan niini nga husay. Gitabangan ko niya nga magpabiling kalmado ug magmalinawon ang akong kasingkasing.”— Colosas 3:15.