Niadtong Marso 1, 2019, gikanselar sa Korte Suprema sa Republic of Kabardino-Balkaria ang desisyon sa ubos nga korte alang kang Brader Akopyan. Gidangtag kapin sa usa ka tuig ang paghusay kaniya tungod sa sayop nga akusasyon nga pagpanagtag ug “extremist” nga mga literatura ug ‘pagsugyot ug pagdumtanay sa relihiyon.’

Sa miagi, ang ubos nga korte midesisyon nga ang 70 anyos nga si Brader Akopyan silotan ug community service. Pero, niining bag-o pa, gibasura sa Korte Suprema ang desisyon sa ubos nga korte.

Mapasalamaton ta kang Jehova tungod niini nga kadaogan ug nalipay ta para kang Brader Akopyan. Padayon natong iampo nga matinumanong makalahutay ang atong mga igsoon.—2 Tesalonica 1:4.