Niadtong Pebrero 15, 2021, gihukmang sad-an sa Birobidzhan District Court of the Jewish Autonomous Region si Sister Svetlana Monis tungod sa pagpakigbahin sa mga kalihokan sa usa ka gidili nga organisasyon. Gipamulta siya sa korte ug 10,000 rubles ($137 U.S.).

Sa iyang pangataposang pahayag, si Svetlana nagpakitag pagtuo ug kaisog. Siya miingon: “Gusto nakong ipasiugda sa korte nga nia ko sa inyong atubangan ... tungod sa ngalan sa atong Ginoo, si Jesu-Kristo, ug sa iyang Amahan, si Jehova nga Diyos. Kini ang giingon sa Bibliya bahin niini. Ang 1 Pedro 4:14-16 nag-ingon: ‘Kon kamo ginapakaulawan tungod sa ngalan sa Kristo, malipayon mo, kay ang espiritu sa himaya, oo, ang espiritu sa Diyos, naa kaninyo. Hinuon, ayaw tugoti nga naa ninyoy mag-antos ingong mamumuno o kawatan o mamumuhat ug daotan o hilabtanon sa kinabuhi sa uban. Apan kon ang usa nag-antos ingong Kristohanon, dili siya angayng maulaw, hinuon padayon niyang himayaon ang Diyos samtang nagdala niining ngalana.’”