Niadtong Agosto 9, 2024, si Brader Aleksandr Parkov gibuhian gikan sa pagkapriso sa Russia. Gihukman siyang sad-an ug gisentensiyahan ug unom ka tuig ug tunga nga pagkapriso niadtong Hulyo 29, 2021. Pero kay napriso na man siya ayha pa siya gihukmang sad-an, giisip nga kompleto na ang iyang sentensiya.

Tanantanan, si Aleksandr ug ang iyang asawa, si Sister Galina Parkova, wala magkauban sulod sa kapig lima ka tuig. Niadtong mga panahona, si Galina nag-atubang pod ug lahi nga kaso, ug gipahamtangan siyag suspended prison sentence nga duha ka tuig ug tulo ka bulan. Nawad-an pod siyag trabaho tungod sa iyang kaso.

Bisag napriso, gitugotan si Aleksandr nga makigkomunikar sa iyang asawa pinaagig tawag ug mga sulat. Padayon niyang gidasig ang iyang asawa nga molahutay bisan pa sa mga kalisdanan. Gani, si Galina miingon: “Kanunay ko niyang pahinumdoman nga basta kauban namo si Jehova, wala mi angayng kahadlokan.”

Masaligon ta nga panalanginan ni Jehova si Aleksandr ug Galina karon nga magkauban na sila nga nagasimba Kaniya. Magpabilin sab tang “andam kanunay sa pag-ampo” alang niadtong napriso tungod sa ilang pagtuo.—1 Pedro 4:7, footnote.