Niadtong Pebrero 10, 2021, gisentensiyahan sa Abinskiy District Court of the Krasnodar Territory, Russia, ang 63 anyos nga si Brader Aleksandr Ivshin ug pito ka tuig ug tunga nga pagkapriso. Kini ang kinagrabehang sentensiya nga gipahamtang sa usa ka Saksi ni Jehova sukad nga ang organisasyon gi-ban niadtong 2017.

Si Brader Ivshin gikasohan niadtong Abril 23, 2020. Siya gipaylag kriminal nga kaso tungod sa pag-organisar ug relihiyosong mga kalihokan pinaagig videoconference ug pag-awit ug mga awit sa Gingharian. Sa iyang pangataposang pahayag sa korte, bug-os niyang gihisgotan ang Kasulatanhong basehanan sa iyang mga gituohan ug miingon: “Your Honor, ang akong baroganan gibase sa mga prinsipyo sa Bibliya. Dili ko ekstremista ug wala ko magdumot.”