Ang Lensky District Court sa Republic of Sakha magpakanaog ug desisyon sa Marso 31, 2020, maylabot sa kaso batok kang Brader Igor Ivashin. Giduso sa prosekyutor nga sentensiyahan siyag pito ka tuig nga pagkapriso.

Niadtong Pebrero 2018, giawtorisahan sa Yakutsk City Court ang mga polis sa pag-wiretap (sekretong pagpaminaw) sa mga tawag sa telepono ni Brader Ivashin. Mga pipila ka bulan sa ulahi, gironda sa mga awtoridad ang walo ka balay sa mga Saksi, apil ang balay ni Brader Ivashin. Siya ug ang uban pang 21 ka Saksi gidala sa estasyon sa polis ug gisukitsukit. Gipasakahan ug kaso sa prosekyutor si Brader Ivashin sa pag-organisar sa mga kalihokan sa usa ka “ekstremistang” organisasyon.

Niadtong Nobyembre 20, 2019, gibasura ang maong kaso kay walay lig-ong ebidensiya nga si Brader Ivashin nakahimog krimen. Miapelar ang prosekusyon, ug ang kaso gisang-at pag-usab ngadto sa district court aron husayon. Nagsugod ang husay niadtong Pebrero 2020.

Si Brader Ivashin ug ang iyang asawa nga si Natalia dunay duha ka anak nga babaye. Samtang naghulat sa desisyon labot sa kaso ni Brader Ivashin, iampo nato nga ang pamilyang Ivashin padayong ‘makalahutay sa tanang butang uban ang pailob ug kalipay.’​—Colosas 1:11.