Si Brader Roman Mareyev gibuhian gikan sa prisohan niadtong Oktubre 25, 2024. Gihukman siyang sad-an ug gisentensiyahan ug upat ka tuig ug unom ka bulan nga pagkapriso niadtong Hulyo 12, 2023. Pero kay halos duha ka tuig na man siyang naa sa pretrial detention sa wala pa siya mahukming sad-an, nakompleto na niya karon ang iyang sentensiya.

Panahon sa iyang husay, gipatin-aw ni Roman atubangan sa korte kon unsay nakahatag niyag kusog aron makalahutay: “Ang tinuod nga kalipay wala magdepende sa kon unsay naa nako o sa kon unsay himoon sa uban kanako. Malipayon ko kay nahibalo ko nga husto ang akong gihimo ug giuyonan sa Diyos ang akong mga paningkamot nga magkinabuhi uyon sa iyang mga sukdanan. Nahibalo ba mo kon nganong segurado ko nga giuyonan ko sa Diyos? Ang Roma 15:13 miingon: ‘Hinaot nga ang Diyos nga nagahatag ug paglaom magpuno sa inyong kasingkasing ug kalipay ug kalinaw tungod sa inyong pagsalig kaniya, aron molig-on pa gyod ang inyong paglaom pinaagi sa gahom sa balaang espiritu.’ Napuno sa kalipay ug kalinaw ang akong kasingkasing bisan pag nakasinati kog mga inhustisya. Seguradong resulta gyod ni sa espiritu ug panalangin sa Diyos.”

Mapasalamaton ta nga nagkauban na pag-usab si Roman ug ang iyang pamilya, ug mahupay ta sa pagkahibalo nga kanunayng gantihan ni Jehova ang atong mga paningkamot nga magpabiling matinumanon.—2 Cronicas 15:7.