Niadtong Oktubre 4, 2024, si Sister Nataliya Sharapova gibuhian gikan sa prisohan sa Russia. Nahukman siyang sad-an ug gisentensiyahan ug tulo ka tuig nga pagkapriso niadtong Hulyo 10, 2024. Kay halos duha ka tuig siyang naa sa pretrial detention sa wala pa siya mahukming sad-an, nakompleto na niya ang iyang sentensiya.

Panahon sa husay sa iyang kaso, si Nataliya miingon sa korte: “Daghan kog maunongong igsoon ug padayon ko nilang gipasaligan sa ilang gugma. Si Jesus nagtudlo: ‘Kon kamo dunay gugma sa usag usa, ang tanan makaila nga kamo akong mga tinun-an.’ (Juan 13:35) Sukad pa sa una, gugma ang basehanan sa akong mga desisyon ug padayon nako ning himoon.”

Si Nataliya ug ang iyang pamilya nagkauban na pag-usab, ug masaligon ta nga padayong ipakita ni Jehova ang Iyang “maunongong gugma” ngadto kaniya ug sa tanan Niyang matinumanong alagad.—Salmo 59:16, 17.