Sa Disyembre 6, 2017, husayon sa Leningrad Regional Court ang apelasyon sa mga Saksi labot sa mando sa lower court sa pagbando sa New World Translation of the Holy Scriptures sa Russian nga pinulongan.

Niadtong Agosto 2017, gidawat sa Vyborg City Court ang argumento sa prosecutor nga ang New World Translation dili kuno Bibliya kay gihubad niini ang personal nga ngalan sa Diyos, nga girepresentahan sa Tetragrammaton, ingong “Jehovah.” Tungod niini nga argumento, ang prosecutor gitugotan sa paglapas sa Law on Counteracting Extremist Activity, nga nagdili sa pagdeklarar sa sagradong mga basahon ingong extremist.

Gikuwestiyon gyod sa mga Saksi ni Jehova, ang magpapatik sa New World Translation sa Russian nga pinulongan, ang desisyon sa Vyborg City Court nga nagdeklarar niini nga Bibliya ingong “extremist” nga publikasyon. Ang New World Translation gipatik sa tibuok o sa bahin lang sa 161 ka pinulongan. Kini gitahod, tukma, ug sayon basahon. Kapin nag 200 milyones ka kopya ang napanagtag.