Sa unang higayon sa kasaysayan, gitugtan sa gobyerno sa South Korea nga mohimog alternative civilian service kadtong midumili sa pagsundalo tungod sa ilang konsensiya. Niadtong Oktubre 26, 2020, 63 ka brader ang midawat niini nga pamaagi ug ilang gisugdan ang tulo ka tuig nga serbisyo sa usa ka prisohan. Apil sa ilang himoon mao ang pag-andam ug pag-serve ug pagkaon, pagpamalit, pagtudlo, pagtabang sa health care, ug pagmentinar sa pasilidad. Sumala sa bag-ong patakaran, ang mga brader dili puwedeng mogawas sa pasilidad sulod sa ilang unang duha ka bulan nga serbisyo. Human niana, tugtan na silang mogawas inigkahuman sa ilang trabaho aron makatambong sa mga tigom ug makasangyaw. Pero kinahanglang makabalik na sila sa prisohan pagkaalas-nuybe sa gabii.

Si Brader Kim Hyun-soo, usa niadtong 63 ka brader, miingon: “Bisag wala gyod niini masunod ang tanang internasyonal nga patakaran, gidawat nako ni nga alternative service kay dili man ni konektado sa pagsundalo.”

Masaligon ta nga ang atong matinumanon, batan-ong mga brader sa South Korea padayong maghatag ug himaya ug pagdayeg kang Jehova pinaagi sa ilang “maayong mga buhat.”​—Mateo 5:16.