Niadtong Pebrero 28, 2019, nakagawas na sa prisohan ang kataposang Saksi ni Jehova sa South Korea nga napriso tungod sa neyutralidad. Ang tanang igsoon nga napagawas sa prisohan mapasalamaton kaayo tungod sa ilang kagawasan ug nalipay nga nakapamatuod sa ilang pagkamaunongon kang Jehova nga Diyos.

Sa katibuk-an, 65 ka mga brader ang napagawas sa prisohan sukad sa makasaysayanhong desisyon sa Korte Suprema niadtong Nobyembre 1, 2018, kinsa mipahayag nga ang dili pagsundalo tungod sa konsensiya dili usa ka krimen. Gitapos sa maong desisyon ang 65 ka tuig na nga balaod sa pagpriso niadtong dili magsundalo tungod sa konsensiya.

Ang pagtuo ug integridad nga gipakita sa atong mga igsoon sa Korea magtukmod nato sa ‘pagpakitag labaw pa nga kaisog’ sa atong maunongong pag-alagad ngadto sa atong Hari ug sa iyang Gingharian. (Filipos 1:14) Iapil nato sa atong mga pag-ampo ang atong mga igsoon nga napriso pa gihapon sa Eritrea, Russia, Singapore, ug Turkmenistan.—Hebreohanon 10:34.