SEPTIYEMBRE 20, 2019
SOUTH KOREA
Seoul, South Korea—2019 Ang Gugma Dili Molubad! Internasyonal nga Kombensiyon
Petsa: Septiyembre 13-15, 2019
Lokasyon: KINTEX (Korea International Exhibition Center) sa Seoul, South Korea
Pinulongan sa Programa: Chinese Mandarin, English, Indonesian, Korean, Russian, Vietnamese
Kinatas-ang Attendance: 60,082
Nabawtismohan: 478
Mga Delegado Gikan sa Ubang Nasod: 6,076
Imbitado nga Sangang Buhatan: Brazil, Czech-Slovak, Finland, France, Greece, Indonesia, Kazakhstan, Malaysia, Scandinavia, United States, Vietnam
Lokal nga Eksperyensiya: Si Choi Ji-woong, CEO sa catering company nga nag-andam sa pagkaon sa mga delegado, miingon: “Ang usa namo ka trabahante miingon nga tungod ani nga proyekto, iyang nakita kon unsa ka buotan ang mga Saksi. Nakadayeg ko ilabina sa gugma nga gipakita sa mga Saksing Koreano ug sa mga Saksi nga gikan sa lainlaing nasod, kay bisag mao pay ilang pagkaila mora silag dugay nang managhigala nga nagkita pag-usab. Daghan na kog naapilan nga religious event, pero lahi ra gyod ning kombensiyon sa mga Saksi ni Jehova.”
Si Ahn Seon-ju, nga taas ug posisyon sa Eutteum Tour Agency, miingon: “Dihang nakita nako kon unsa ka buotan ang mga Saksi ni Jehova ug pirme silang mopahiyom, nakaingon ko nga kinahanglan namong pahinumdoman ang among mga drayber sa bus nga sundogon ang mga Saksi. Sa primero, naghunahuna ko kon nganong buotan kaayo ang mga Saksi. Pero dihang nakauban nako sila sa trabaho, natandog ko sa akong nakita. Gimahal ug gitahod gyod nila ang usag usa ug ilang ginabuhat kon unsay ilang gitudlo. Nakadayeg ko dihang akong nasayran nga ang mga Saksi boluntaryong nagtrabaho. Samtang giobserbahan nako ang mga Saksi nga naminaw pag-ayo sa ilang kaestorya ug pirmeng mopahiyom, nakahunahuna ko nga naa koy kinahanglang bag-ohon sa akong kaugalingon. Unta makatrabaho nako pag-usab ang mga Saksi ni Jehova.”
Si Kim Gyo-Shik, management director sa MBC Munhwa Broadcasting Station Dae-jang-geum Theme Park, mikomento: “Nindot kaayo ang mga tour nga giandam sa mga Saksi ni Jehova. Bisag Katoliko ko, gipakita sa mga Saksi kon unsay angayng panggawi sa tinuod nga mga Kristohanon. Among naobserbahan nga dali silang estoryahon ug organisado sila. Buotan sab sila sa uban. Ug bisag unsa ka gamayng butang diha sa among pasilidad, mananghid sila una kini gamiton. Dili ko Saksi ni Jehova, pero bilib kaayo ko nila.”
Mga igsoon nga madasigong nag-welcome sa mga delegado sa airport
Mga delegado uban sa usa ka brader ug sister nga taga-didto nga nag-public witnessing
Mga sister nga nag-welcome sa mga delegado nga nangabot sa venue
Giletratohan sa delegado ang sister nga taga-Korea ug ang iyang anak
Mga nanambong sa kombensiyon nga naminaw sa sesyon sa Sabado
Gi-interpret sa brader ang mga pangutana sa bawtismo ngadto sa amang ug buta nga brader gamit ang tactile signing
Tulo ka sister nga naminaw pag-ayo ug nagnota panahon sa kombensiyon
Si Brader Stephen Lett naghatag sa kataposang pakigpulong sa Sabado
Aaerial shot sa unom ka pool nga gigamit sa bawtismo sa Sabado sa hapon
Mga special full-time servant mikaway sa nanambong sa kataposang programa sa Dominggo
Mga igsoon nga nanambong sa kombensiyon nagpa-picture, ang uban nagsul-ob ug tradisyonal nga sinina
Sa Bethel sa Korea, ang mga delegado nagtan-aw ug photo collage nga nagpakita sa daghang igsoon nga nagmatinumanon bisan sa mga pagsulay
Mga delegado gikan sa ubang nasod nagpa-picture sa lokal nga mga igsoon samtang nag-tour
Mga sister nga nag-perform ug tradisyonal nga sayaw sa Korea nga gitawag ug buchaechum para sa mga delegado
Basin Ganahan Pod Ka
BAHIN KANAMO
Tambong sa 2024 nga Kombensiyon—“Ipahayag ang Maayong Balita!”
Malipay mi sa pag-imbitar nimo nga motambong sa tulo ka adlaw nga kombensiyon sa mga Saksi ni Jehova niining tuiga.
