Malipay mi sa pagpahibalo nga sa 2019 nga tuig sa pag-alagad, kapig 300,000 ang nabawtismohan ingong Saksi ni Jehova. Sukad sa 1999, kini ang unang higayon nga ang gidaghanon sa nabawtismohan milapas ug 300,000. Atong gidayeg si Jehova kay iyang gipanalanginan ang atong bug-os nga pagpakigbahin sa buluhatong pagsangyaw ug paghimog tinun-an!

Ang 2019 nga tuig sa pag-alagad naglakip sab sa makasaysayanhon ug dili malimtan nga mga hitabo: internasyonal nga mga kombensiyon, mga pag-release ug Bibliya, ug makapatandog nga mga paagi sa pagpakitag inigsoong gugma. Ang mosunod mao ang pipila sa katibuk-ang ihap gikan sa report sa tibuok kalibotan. *

• Kayutaan nga Nagreport: 240

• Mitambong sa Memoryal: 20,919,041

• Kinatas-ang Ihap sa Magmamantala: 8,683,117

• Nabawtismohan: 303,866

Ang maayong mga report sama niini magdasig nato sa pagsunod sa tambag sa atong Ginoong Jesus nga makita sa atong tinuig nga teksto sa 2020: ‘Adtoa ninyo ang mga tawo ug tudloi sila aron mahimong akong mga tinun-an. Bawtismohi sila.’​—Mateo 28:19.