Niadtong Nobyembre 6, 2024, gipirmahan sa Town of Ramapo Planning Board ang approval para sa Ramapo site plan. Importante ni kay nagpasabot ni nga puwede nang sugdan ang major construction sa maong proyekto.

Niadtong Hunyo 2023, giaprobahan sa Town Planning Board ang pipila sa atong mga plano para sa Ramapo complex. Una pa niana, nakadawat na tag mga approval sa pagtrabaho diha sa Ramapo site sama sa pagpamutol sa mga kahoy. Pero kining bag-ong approval nagpasabot nga puwede nang sugdan sa pagtukod ang main entrance ug ang pagtangtang sa mga bato aron matukod ang pundasyon sa mga bilding. Puwede na pong sugdan ang ubang importanteng buluhaton, sama sa pag-install sa underground nga mga linya sa tubig.

Si Brader Kevin Page, nga nag-alagad sa Construction Project Committee, mikomento: “Eksayted kaayo mi dihang among nadawat ang approval! Sa matag bahin niini nga proseso, among nakita kon giunsa pagpanalangin ni Jehova ang among pailob ug paningkamot. Mapasalamaton ta kang Jehova nga nadawat na nato ni nga approval ug nag-ampo ta nga padayon ta niyang tabangan niini nga bahin sa proyekto.”

Ingong bahin sa tibuok kalibotang panag-igsoonay, eksayted ta nga puwede nang sugdan ang pagpanukod sa Ramapo ug nag-ampo ta nga dagayang panalanginan ni Jehova ang proyekto ug kadtong motabang sa pagpalampos niini!—Haggeo 1:14.