Ang Version 4 sa JW Library Sign Language nga app, nga gi-release niadtong Pebrero 15, 2020, dunay bag-ong nindot nga feature. Sa usa lang ka click o tap, makita na dayon sa naggamit ang mga reperensiya, maong sayon na lang kaayo ang pagpangandam para sa tigom ug pagtuon sa Bibliya.

Ang mga naggamit sa JW Library nga app dugay nang maka-access sa mga teksto sa Bibliya o mga reperensiya pinaagi sa pag-click o pag-tap sa mga link. Bisag ilang i-access ang link, makabalik ra gihapon sila sa artikulo nga ilang gibasa. Pero, lisod kaayo ni para sa mga naggamit sa sign language nga app kay dili sila awtomatikong maka-access sa mga reperensiya sa gitan-aw nga video article.

Diha sa Version 4 sa JW Library Sign Language nga app, ang mga reperensiya ma-access pinaagig link. Sa usa lang ka tap, ma-access sa naggamit ang dugang mga reperensiya ug dali ra siyang makabalik sa orihinal nga video.

Tan-awa: Sayon ra ang pagtan-aw sa materyal para sa midweek nga tigom

Masaligon ta nga kining bag-ong feature dakog ikatabang sa mga igsoon nga nagdepende sa mga publikasyon sa sign language. Mapasalamaton ta kang Jehova niini nga mga tagana nga makatabang nato nga mas masuod kaniya.—Salmo 119:97.

Tan-awa: Ang “halas” diha sa Genesis 3:1 na-link sa Pinadayag 20:2 maong sayon rang mailhan kon kinsa ang “orihinal nga halas”