Sugod niadtong Septiyembre 11, 2024, ang Bagyong Boris nagpahinabog kusog kaayong ulan ug hangin sa ubang lugar sa Central Europe. Paghapak sa bagyo sa habagatang Poland niadtong Septiyembre 12, wala pay 24 oras, ang ubang lugar niini nakasinati nag 20 sentimetros (8 pulgadas) nga ulan, nga maoy hinungdan nga nagbaha sa daghang lungsod. Tungod pod sa way hunong ug grabe nga pag-ulan, linibo ang nawad-an ug koryente. Pagkasunod adlaw, Septiyembre 13, gibundak sa bagyo ang kapig 50 sentimetros (20 pulgadas) nga ulan sa amihanang Czech Republic, nga nagpahinabog grabeng kadaot sa mga balay, kadalanan, ug tulay.

Dayon, pagka-Septiyembre 14, daghang baryo sa tibuok Romania ang gibahaan dihang mibundak ang mga 25 sentimetros (10 pulgadas) nga ulan. Mga 5,000 ka balay ang naguba, ug duha ka dam ang nabungkag sa Galați County. Niadtong Septiyembre 18, ang Bagyong Boris mihapak sa amihanang Italy. Daghang lugar ang nakasinatig halos 30 sentimetros (12 pulgadas) nga ulan sulod lang sa 48 oras, nga maoy hinungdan nga miawas ang mga suba.

Tungod sa kusog kaayong bagyo, linibo gikan sa upat ka nasod ang napugos nga mobakwet, ug labing menos 19 ang namatay.

Czech Republic

• Walay igsoon nga namatay o na-injure

• 79 ka magmamantala ang mibakwet

• 12 ka balay ang naay major damage

• 2 ka balay ang naay minor damage

• 1 ka Kingdom Hall ang naay major damage

• 1 ka Kingdom Hall ang naay minor damage

Italy

• Walay igsoon nga namatay o na-injure

• 63 ka magmamantala ang mibakwet

• 7 ka balay ang naay major damage

• 21 ka balay ang naay minor damage

• 1 ka Kingdom Hall ang naay major damage

• 4 ka Kingdom Hall ang naay minor damage

Poland

• Walay igsoon nga namatay o na-injure

• 87 ka magmamantala ang mibakwet

• 61 ka balay ang naay major damage

• 85 ka balay ang naay minor damage

• 2 ka Kingdom Hall ang naay major damage

• 8 ka Kingdom Hall ang naay minor damage

Romania

• Walay igsoon nga namatay o na-injure

• 1 ka magmamantala ang mibakwet

• 2 ka balay ang naay major damage

• 5 ka balay ang naay minor damage

• Walay Kingdom Hall nga na-damage o naguba

• Sa katibuk-an, 6 ka Disaster Relief Committee ang gitudlo aron magdumala sa pagtaganag tabang

• Ang mga tigdumala sa sirkito ug lokal nga mga ansiyano naghatag ug espirituwal ug praktikal nga tabang niadtong naapektohan sa baha

Samtang padayon natong giampo kadtong naapektohan niining grabeng pagbaha, masaligon ta nga si Jehova mahigugmaong magtagana kanilag kahupayan ug suporta.—Isaias 40:11.