Gipahibalo sa Nagamandong Lawas sa mga Saksi ni Jehova nga giimbitar nila ang pipila ka sangang buhatan sa pag-apil sa programa nga ibalik ang panagkatigom diha sa mga Kingdom Hall. Kini nga mga sangang buhatan mopilig mga Kingdom Hall sa mga lugar diin daghan na ang nabakunahan ug diyutay rag kaso sa COVID-19. Siyempre sa paghimo niini, sundon gihapon ang mga safety protocol sa lokal nga gobyerno para sa tapoktapok sulod sa usa ka pasilidad. Kini nga pahibalo gibasa ngadto sa pamilyang Bethel sa tibuok kalibotan niadtong Biyernes, Oktubre 15, 2021.

Magdepende sa resulta niini nga programa kon tugotan ba ang dugang pa nga mga kongregasyon nga mobalik sa pagtigom diha sa mga Kingdom Hall. Giapil sa maong pahibalo nga para sa kadaghanan, wala pa gihapon tugoti ang in-person nga mga kalihokan sa organisasyon hangtod sa Enero 1, 2022, depende sa kahimtang.

Mapasalamaton kaayo ta sa Nagamandong Lawas sa ilang pag-atiman sa mga igsoon sa tibuok kalibotan ug sa ilang maalamong paagi sa pagbalik sa mga kalihokan sa organisasyon. Palihog iampo nga padayong giyahan ug panalanginan ni Jehova kini nga mga kahikayan.—Proverbio 14:16.