Sa sayong bahin sa Agosto 2024, naay kusog nga bagyo nga naporma ibabaw sa Atlantic Ocean. Paspas ning midako ug gitawag ug Hurricane Debby. Dayon niadtong Agosto 5, 2024, nag-landfall duol sa Steinhatchee, Florida, U.S.A. ang Category 1 nga hurricane nga ang hangin may gikusgon nga 130 kilometros kada oras. Gawas pa ana, ang bagyo miresultag kapin sa 12 ka buhawi. Tungod sa ka kusog sa hangin ug sa ulan, libolibo ang nawad-ag koryente, ug dili moubos sa walo ka tawo sa United States ang namatay.

Gikan didto, ang Hurricane Debby mihinay ug mipaingon sa Canada. Pagka-Biyernes, Agosto 9, 2024, giulan pag-ayo ang probinsiya sa Quebec sa Canada, ug wala pay 24 oras miabot nag 22 sentimetros (8 inches) ang lebel sa ulan. Ang grabeng pag-ulan miresultag pagbaha diha sa mga balay ug midaot sa daghang imprastraktura sa pipila ka bahin sa probinsiya. Daghan pod ang namakwet ngadto sa luwas nga mga dapit. Ug sumala sa mga report, usa ka tawo ang namatay sa Canada.

United States

• Walay igsoon nga namatay

• 1 ka magmamantala ang naospital

• 23 ka magmamantala ang namakwet

• 7 ka balay ang naay major damage

• 60 ka balay ang naay minor damage

• 1 ka Kingdom Hall ang naay minor damage

Canada

• Walay igsoon nga namatay. Pero ikasubo nga naay Bible study nga namatay tungod sa landslide

• 1 ka magmamantala ang na-injured

• 23 ka magmamantala ang namakwet, pero kadaghanan nakabalik na sa ilang mga balay

• 2 ka balay ang naay major damage

• 165 ka balay ang naay minor damage

• Walay Kingdom Hall nga naguba

• Ang mga tigdumala sa sirkito ug lokal nga mga ansiyano sa United States ug Canada naghatag ug espirituwal ug praktikal nga tabang niadtong naapektohan

• Sa Canada, naay Disaster Relief Committee nga gitudlo sa pagtaganag tabang

Padayon natong iampo ang tanang naapektohan niining kusog nga bagyo, ug makapahupay ang pagkahibalo nga si Jehova mao gyod ang atong “kaluwasan panahon sa kasakit.”—Isaias 33:2.