Sugod niadtong Abril 1, 2022, ang mga Saksi ni Jehova mibalik nag in-person nga tigom. Ang kabalaka nga tingali gibati sa mga igsoon napulihan dayon ug kasadya, luha sa kalipay, ug madasigong pagkanta sa mga Kingdom song.

Para sa uban, kini ang unang higayon nga nakaadto silag Kingdom Hall.

“Kini ang unang higayon nga nakatambong kog in-person nga tigom,” miingon si Brader Krzysztof Hoszowski sa Poland. “Nakakat-on ko sa kamatuoran pinaagig videoconference ug ang akong bawtismo gi-stream sa Zoom. Kabalo ko kon unsay ginahimo sa in-person nga mga tigom kay daghan kog nakita nga video bahin niini. Nalipay gyod ko sa akong nakita nga gugma, kalipay, ug pagkabuotan sa mga igsoon diha sa tigom.”

Pagsugod sa COVID-19 nga pandemic niadtong Marso 2020, ang mga Saksi ni Jehova nagtigom pinaagig videoconference. Kadtong dili makaadto sa Kingdom Hall puwede gihapong motambong pinaagig videoconference.

“Dihang mitugtog ang musika ug misugod kog kanta sa unang awit, natandog ang akong emosyon kay nakauban nako pag-usab ang mga igsoon sa unang higayon human sa duha ka tuig,” miingon si Brader Neil Campbell sa Edinburgh, Scotland.

Mapasalamaton ta kang Jehova nga iyang gipanalanginan ang atong pagbalik sa in-person nga tigom.—Salmo 84:10.