Niadtong Hulyo 5, 2024, gi-release ni Brader Colin Carson, membro sa Komite sa Sangang Buhatan sa Malawi, ang Bag-ong Kalibotang Hubad sa Kristohanon Gregong Kasulatan sa Malawi Sign Language. Gipahibalo ni ngadto sa 331 nga nanambong sa unang adlaw sa 2024 “Ipahayag ang Maayong Balita!” Rehiyonal nga Kombensiyon sa Lilongwe, Malawi. Nahimo dayong available ang digital format diha sa jw.org ug sa JW Library Sign Language app.

Kini ang kinaunhang hubad sa kompletong Kristohanon Gregong Kasulatan sa Malawi Sign Language, nga gigamit sa kapig 400,000 ka tawo. Sa pagkakaron, kapig 600 ka igsoon ang nag-alagad sa 16 ka sign language nga kongregasyon ug 8 ka grupo sa Malawi.

Niadtong Hulyo 19, 2024, gi-release ni Brader Gage Fleegle, membro sa Nagamandong Lawas, ang rebisadong edisyon sa Bag-ong Kalibotang Hubad sa Balaang Kasulatan sa Cibemba. Gipahibalo ni sa unang adlaw sa 2024 “Ipahayag ang Maayong Balita!” Rehiyonal nga Kombensiyon sa Levy Mwanawasa Stadium sa Ndola, Zambia. Sa katibuk-an, 23,336 ang nanambong in person dihang gi-release kini. Naa poy 5,920 ka tawo ang naka-tie in via videoconference gikan sa lain pang lima ka venue sa kombensiyon. Ang nanambong sa tanang unom ka kombensiyon nakadawat ug printed nga kopya sa Bag-ong Kalibotang Hubad. Ang Bibliya ingon man ang audio recording sa basahon sa Ruth, 1 Juan, 2 Juan, ug 3 Juan ma-download na dayon.

Ang Bag-ong Kalibotang Hubad sa Balaang Kasulatan sa Cibemba unang gi-release niadtong 2008. Gibanabana nga upat ka milyong tawo ang makasultig Cibemba sa Zambia, apil ang 131,351 ka igsoon diha sa 1,856 ka kongregasyon ug 8 ka grupo sa tibuok nasod.

Niadtong Hulyo 19, 2024, gi-release ni Brader José Torres, membro sa Komite sa Sangang Buhatan sa Central America, ang The Bible—The Good News According to Matthew sa Quiche nga pinulongan. Gipahibalo ni panahon sa 2024 “Ipahayag ang Maayong Balita!” Rehiyonal nga Kombensiyon sa San Lucas Sacatepéquez, Guatemala. Ang tanang 405 nga nanambong nakadawat ug printed nga kopya sa basahon. Nahimo pod dayong available ang digital format diha sa jw.org ug sa JW Library app.

Gibanabana nga kapig usa ka milyong tawo ang makasultig Quiche. Kadaghanan niini nagpuyo sa Guatemala, diin naporma ang unang Quiche nga kongregasyon niadtong 2010. Sa pagkakaron, 387 ka igsoon ang nag-alagad sa 16 ka kongregasyon sa tibuok nasod.

Niadtong Hulyo 28, 2024, naay gihimong espesyal nga miting sa Estádio Nacional do Zimpeto sa Maputo, Mozambique. Sa katibuk-an, 26,025 ang nanambong in person sa programa. Naa poy 64,570 ang naka-tie in via videoconference gikan sa 16 ka lokasyon.

Sa maong miting, gi-release ni Brader Fleegle ang ubay-ubayng hubad, nga nahimo dayong available diha sa printed ug digital format. Iyang gi-release ang The Bible—The Good News According to Matthew sa pinulongang Makhuwa-Meetto, Makhuwa-Shirima, ug Nsenga (Mozambique); ang Bag-ong Kalibotang Hubad sa Kristohanon Gregong Kasulatan sa pinulongang Chuabo, Phimbi, ug Tewe; ug ang kompletong Bag-ong Kalibotang Hubad sa Balaang Kasulatan sa pinulongang Tshwa.

Ang pag-release niini nga mga hubad nagpasabot nga ang Bag-ong Kalibotang Hubad available na karon sa tibuok o sa bahin diha sa 300 ka pinulongan!