Gi-adjust sa atong mga igsoon sa daghang kayutaan ang ilang espirituwal nga mga kalihokan tungod sa coronavirus. Sa daghang dapit, ang mga tigom gipahigayon pinaagig videoconferencing imbes aktuwal nga magtigom sa Kingdom Hall. Tungod niini, gibag-o usab sa daghan ang ilang pagsuportar sa tibuok kalibotang buluhatong pagsangyaw pinaagi sa paghatag ug donasyon online.

Ang mga Saksi ni Jehova sa kapig 112 ka kayutaan makagamit sa donate.pr418.com sa paghatag ug donasyon online, sama sa paggamit ug debit o credit card.

Kay ang kadaghanang magmamantala dili na makahatag ug donasyon sa ilang Kingdom Hall, daghan ang nag-set up ug awtomatikong binulan nga donasyon (recurring donation) sa donate.pr418.com. Kana ang gihimo ni Sister Susan Cohen, usa ka 74 anyos nga magmamantala sa United States. Siya miingon: “Sayon ra ni kaayo; kon nahimo gani nako, labaw na nga mahimo ni sa tanan. Nalipay ko nga makahatag gihapon kog donasyon.”

Gihunahuna sa una ni Brader Eduardo Paiva sa Brazil nga ang paggamit sa donate.pr418.com maoy alternatibo lang nga paagi sa paghatag ug donasyon kon ugaling dili kini mahimo diha sa Kingdom Hall. Siya miingon: “Naamgohan nako nga kini ang kinamaayohang paagi sa pagsuportar sa tibuok kalibotang buluhaton niining lisod nga mga panahon. Pinaagi niini, mapakita nato ang atong pagpasalamat ug gugma niining kataposang mga adlaw.”

Si Brader Gajus Glockentin, nga nagdumala sa Treasurer’s Office sa tibuok kalibotang hedkuwarter sa mga Saksi ni Jehova sa Warwick, New York, miingon: “Makapalig-on sa pagtuo nga makita ang tinguha sa mga igsoon sa pagsuportar sa mga buluhaton sa Gingharian. Mapasalamaton ta niini nga mga donasyon. Padayon namong ginasusi kon sa unsang paagi ang atong organisasyon makadaginot aron ang mga donasyon magamit sa kinamaayohang paagi. Bisag kinahanglang kunhoran sa uban ang ilang donasyon, wala gyod makunhori ang ilang kaandam sa pagsuportar sa organisasyon ni Jehova.”​—2 Corinto 9:7.