Niadtong Marso 3, 2018, gisugdan sa mga Saksi ni Jehova ang tibuok kalibotang kampanya sa pagpanagtag ug imbitasyon para sa Panihapon sa Ginoo, nga nailhan sab ug Memoryal sa kamatayon ni Kristo. Ang mga Saksi sa 240 ka nasod magtigom sa Marso 31 para niini nga okasyon, nga para nila mao ang pinakaimportanteng okasyon sa tibuok tuig. Sa maong imbitasyon giimbitar sab ang tanan sa pagtambong sa espesyal nga pakigpulong sa Bibliya nga may ulohang “Kinsa ba Gayod si Jesu-Kristo?” nga himoon sa semana sa Marso 19.

Si David A. Semonian, tigpamaba sa mga Saksi ni Jehova, miingon: “Sa 2017, kapig 20 ka milyon ang mitambong sa Memoryal, ug mga 12 ka milyon niana dili Saksi. Busa ang Memoryal importanteng okasyon dili lang sa mga Saksi ni Jehova kondili sa among milyonmilyong bisita sab sa tibuok kalibotan. Tumong namo nga ang tanan namong silingan makadawat ug imbitasyon sa pagtambong sa maong okasyon sa lokasyon nga kombenyente nila.”

Media Contact:

International: David A. Semonian, Office of Public Information, +1-845-524-3000