Niadtong Mayo 31, 2019, usa ka armadong tawo ang namusil sa mga empleyado sa munisipyo sa Virginia Beach, Virginia, United States. Dose ka tawo ang namatay ug upat ang naangol.

Makapasubo, ang sangang buhatan sa United States mireport nga usa sa atong mga igsoon, si LaQuita Brown, ang apil sa namatay niini nga pagpamusil. Si Sister Brown 39 anyos ug usa ka regular pioneer sa Seaview French Congregation sa Norfolk, Virginia. Nag-alagad pod siya ingong Local/Design Construction volunteer. Ang lokal nga mga ansiyano, uban ang tigdumala sa sirkito, nagtaganag binase sa Bibliya nga pagdasig ug emosyonal nga suporta sa mga higala ug pamilya ni Sister Brown.

Naguol ta pag-ayo nga makabalita bahin sa pagkamatay sa atong igsoon. Naghinamhinam ta nga moabot ang panahon dihang ang mga trahedya nga sama niini dili na mahitabo ug duna nay “dagayang pakigdait” sa yuta.—Salmo 37:10, 11.