Niadtong Enero 11 ug 12, 2020, gihapak ug kusog nga mga bagyo ug buhawi ang habagatan ug tungang bahin sa United States. Ang duha ka adlaw nga pag-ulan, kusog nga mga hangin, ug mga buhawi nagpahinabog dakong kadaot sa daghang lugar sa United States. Ikasubo, namatay si Brader Albert Barnett ug ang iyang asawa nga si Sister Susan Barnett, 85 ug 75 ang edad, dihang naagian ug buhawi ang ilang mobile home.

Ang sangang buhatan sa United States mireport nga labing menos upat ka balay sa atong mga igsoon ang medyo nadaot, apil ang duha ka Kingdom Hall. Ang propidad sab sa usa ka brader nga gigamit sa negosyo nadaot pag-ayo sa bagyo.

Ang mga ansiyano didto ug ang tigdumala sa sirkito nagtaganag praktikal ug espirituwal nga tabang sa mga naapektohan sa kalamidad. Nahibalo ta nga atong Amahan sa langit, si Jehova, nagahupay sa atong mga igsoon nga nag-antos niini nga trahedya.​—Salmo 34:18.