Niadtong Marso 3, 2019, gikusokuso sa makamatayng mga buhawi ang pipila ka bahin sa Alabama, Florida, ug Georgia, nga miresulta sa kamatayon sa 23 ka tawo ug daghan ang naangol.

Ang sangang buhatan sa United States mireport nga wala ray mga igsoon nga namatay. Pero usa ka igsoong sister ang naangol dihang gibungkag sa buhawi ang iyang balay sa Fort Valley, Georgia. Siya karon nagpaayo sa ospital sa ilang lugar. Mireport sab ang sangang buhatan nga unom ka balay sa mga igsoon ang nadaot ug upat ang nabungkag. Ang mga tigdumala sa sirkito sa maong lugar nag-organisar sa pagtaganag hinabang. Ang mga magmamantala nagpadalag pagkaon, mga sinina, ug nagtaganag kapuy-an para sa atong mga igsoon nga naapektohan. Ang mga ansiyano sa maong lugar nagtagana sab ug paghupay gikan sa Bibliya.

Atong iampo ang apektadong mga igsoon nga hinaot mahupayan sila sa atong tinuig nga teksto sa 2019, “Ayawg kabalaka, kay ako imong Diyos.”—Isaias 41:10.