Ang Bibliya, nga gitawag usab ug Balaang Kasulatan, natugob sa kaalam. Apan matikdi ang giingon mismo sa Bibliya: “Ang tibuok Kasulatan inspirado sa Diyos.” (2 Timoteo 3:16) Daghang ebidensiya ang nagpamatuod niana. Tagda kini:

•   Wala gayoy milampos sa pagkuwestiyon sa katukma sa asoy sa Bibliya bahin sa kasaysayan.

•   Ang mga magsusulat sa Bibliya maoy matinud-anon ug prangka nga mga tawo. Busa, makasalig kita nga tinuod ang ilang mga sinulat.

•   Usa ray tema sa Bibliya: ang pagbindikar sa katungod sa Diyos sa pagmando sa katawhan ug ang pagtuman sa iyang katuyoan pinaagi sa iyang langitnong Gingharian.

•   Bisag gisulat kini libolibo na ka tuig kanhi, wala kini masagoli ug sayop nga siyentipikanhong mga ideya nga dinawat sa mga tawo sa karaang panahon.

•   Ang mga rekord sa kasaysayan nagpamatuod nga natuman gayod ang mga tagna sa Bibliya.