Ang buongon maoy usa ka klase sa citrus nga prutas. Kini dako ug tam-is, ug bunga ni sa usa ka kahoy. Bisag mahulog nig kapin sa 10 metros (30 piye), dili ni maunsa! Ngano?

 Hunahunaa: Nadiskobrehan sa mga researcher nga ang puti nga bahin sa panit sa buongon samag espongha. Duna ni nagsumpaysumpay nga mga cell. Ug tali sa mga cell, dunay mga lungag. Ang mga lungag nga mas duol sa unod mas dagko ug kini punog hangin o likido. Dihang mahulog ang prutas, ang likido magsilbing proteksiyon. Ang panit sa buongon mokulo ug mogahi, nga mag-absorb sa epekto sa pagkahagsa, maong ang prutas dili maunsa.

 Ang mga scientist naghimog metal foam nga dili maunsa kon mahulog, ug ila ning gitestingan. Gisundog ni nila sa panit sa buongon. Nagtuo sila nga ang susamang disenyo magamit sa paghimog helmet para sa tigmotor, proteksiyon sa sakyanan kon mabangga, ug proteksiyon sa space station enkasog mabanggaan nig meteoroid.

 Unsay imong hunahuna? Ang shock-absorbent ba nga panit sa buongon mitungha pinaagig ebolusyon? O kini ba gidisenyo?