JW BROADCASTING
Pagtan-aw ug mga Video sa Roku
Makita nimo ang tanang video ug puwede nimo kining i-pause, i-rewind, i-fast forward, ug i-skip. Tan-awa ang usa ka video o ang tanang video nga naa sa usa ka kategoriya o koleksiyon.
(Matikdi: Puwedeng lahi ang imong Roku remote sa imong makita nga picture niini nga tutorial.)
Kon Unsaon Pagpangita ug Pagtan-awg Video
I-click ang Mga Kategoriya sa Video nga naa sa ibabawng bahin sa home screen aron makita nimo ang mga kategoriya sa video. Gamita ang mga arrow sa imong remote aron makapili kag kategoriya. Kon nakapili na kag kategoriya, i-click ang OK nga button.
Ang ubang video makita sa pipila sa kategoriya. Pananglitan, ang video nga Hinumdomi ang Asawa ni Lot—Bahin 1 makita sa mga kategoriya nga Mga Drama ug Pamilya.
I-click ang Shuffle nga opsiyon aron random nga ma-play ang tanang video sa usa ka kategoriya.
Ang matag kategoriya dunay kapiliang mga koleksiyon. Ang usa ka linya sa mga video maoy usa ka koleksiyon. Ang ngalan sa koleksiyon makita ibabaw sa naglinyang video.
Gamita ang remote aron makita ang mga koleksiyon:
Up ug Down: Aron makita ang lainlaing koleksiyon.
Left ug Right: Aron makita ang mga video sulod sa koleksiyon.
Naay duha ka paagi kon unsaon pagtan-aw ang tanang video sulod sa koleksiyon:
I-click ang I-play Tanan nga option aron ma-play ang tanang video sulod sa koleksiyon, sugod sa nag-una.
I-click ang I-shuffle nga option aron random nga ma-play ang tanang video sulod sa koleksiyon.
Matikdi: Kon mahurot na ug play ang tanang video sulod sa koleksiyon, mohunong na ang playback.
I-click ang video aron makita ang Video Details sa screen. Pilia ang gusto nimong option:
I-resume: Makita lang nimo kini nga option kon natan-aw na nimo ang video pero wala nimo mahuman. Kon imo ning i-click, ang video mo-play sugod sa kon asa ka naundang ug tan-aw.
I-play o I-play Gikan sa Sinugdanan: Mo-play ang video gikan sa sinugdanan.
I-play nga Naay Subtitle: Kini nga option makita kon naay subtitle ang video. Kon imo kining i-click, ang video mo-play nga naay subtitle, apil ang ubang video nga naay subtitle. Aron mawala ang subtitle, i-click ang I-play nga Walay Subtitle.
I-play ang Tanan nga naa sa Koleksiyon: Mo-play ang tanang video nga naa sa koleksiyon, sugod sa kinaunhan. Kon mahurot na ug play ang tanang video sulod sa koleksiyon, mohunong na ang playback.
Makita sa ubos sa Video Details nga screen ang ubang video nga naa sa napiling koleksiyon. Tuploka ang Down aron makapili ka ug mga video nga naa sa koleksiyon ug tuploka ang Up aron mobalik sa Video Details nga screen.
Kon Unsaon Pagkontrol ang Video Playback
Kon nag-play ang video, imong makontrol ang playback gamit ang remote:
Play/Pause: Mo-pause ang video. Tuploka kinig usab aron mo-play ang video.
Right: Molaktaw paabante ug pipila ka segundo ang video. Kon inigtuplok nimo dili nimo buhian, mopaspas ug laktaw ang video. Kon nakita nimo nga niabot na ka sa bahin sa video nga gusto nimong makita, tuploka ang Play ug OK nga button.
Fast Forward: Awtomatiko nga molaktaw paabante ang video. Kon nakita nimo nga niabot na ka sa bahin sa video nga gusto nimong makita, tuploka ang Play ug OK nga button.
Left: Molaktaw paatras ug pipila ka segundo ang video. Kon inigtuplok nimo dili nimo buhian, mopaspas ug laktaw ang video. Kon nakita nimo nga niabot na ka sa bahin sa video nga gusto nimong makita, tuploka ang Play ug OK nga button.
Rewind: Paspas nga molaktaw paatras ang video. Kon nakita nimo nga niabot na ka sa bahin sa video nga gusto nimong makita, tuploka ang Play ug OK nga button.
Back: Mobalik sa Video Details nga screen.
Kon Unsaon Pagtan-aw ang Gi-feature o Bag-ong mga Video
Makita sa home screen ang JW Broadcasting ang duha ka espesyal nga koleksiyon sa video:
Gi-feature: Mga video nga ilabinang angayng tan-awon, sama sa gi-feature nga mga video nga konektado sa senemanang panagkatigom o pamilyahanong pagsimba.
Bag-ong mga Video: Ang kinabag-ohang mga video.
