JW LIBRARY
Kon Unsaon Pag-download ug Pag-manage sa mga Publikasyon—Android
Daghan kaayong libro, brosyur, tract, ug video ang mabasa ug makita sa JW Library bisag offline.
Sunda ang mosunod nga mga instruksiyon kon unsaon pag-download ug pag-manage sa mga publikasyon:
Kon Unsaon Pag-download ug Publikasyon
Puwede kang mag-download bisag pila pa ka publikasyon para basahon ug tun-an bisag offline.
I-open ang navigation drawer, ug pindota ang Publications para makita ang listahan sa mga publikasyon.
Pindota ang Languages button para makita ang mga pinulongan nga may available nga mga publikasyon. Pindota ang napili nimo nga pinulongan. Nag-una sa listahan ang mga pinulongan nga kanunay nimong gigamit. Puwede sab nimong i-search ang pinulongan nga imong gusto.
Dunay lainlaing paagi sa pagpangitag publikasyon sa JW Library.
Makita sa By Type section ang mga publikasyon sa pinulongan nga imong gipili nga gihan-ay depende sa type niini, sama sa Books, Tracts, o Videos. Kon pindoton nimo ang usa ka type, makita nimo ang ubang option, sama sa The Watchtower nga gihan-ay base sa tuig o Videos nga gihan-ay base sa klase niini. Pindota ang All Types para mobalik sa sinugdanan sa listahan.
Makita sa What’s New section ang mga publikasyon nga bag-o pang gi-release sa pinulongan nga imong gipili.
Makita ang cloud icon sa publikasyon nga wala pa ma-download. I-tap ang publikasyon para ma-download ni. Humag download, mawala na ang cloud icon. I-tap pag-usab ang publikasyon para mabasa ni.
Makita sa Downloaded section ang tanang publikasyon nga imong gi-download sa bisan unsang pinulongan. Puwede ning han-ayon base sa options nga Frequently Used, Rarely Used, o Largest Size.
Kon Unsaon Pag-delete ug Publikasyon
Puwede nimong i-delete ang publikasyon nga dili na nimo kinahanglan o kon puno na ang imong storage.
I-open ang navigation drawer ug pindota ang Publications, dayon pagpilig publication type (pananglitan, Books) para makita ang mga publikasyon niini. Sa publikasyon nga gusto nimong i-delete, pindota ang More button, dayon ang Delete.
Kon puno na ang imong storage, puwede nimong i-delete ang mga publikasyon nga wala kaayo nimo gamita o mokaon ug dakong space. I-open ang navigation drawer ug pindota ang Publications. Pindota ang Downloaded section, ug han-aya ang listahan base sa options nga Rarely Used o Largest Size. I-delete ang mga publikasyon nga wala na nimo gamita.
Kon Unsaon Pag-update ug Publikasyon
Usahay dunay update para sa publikasyon nga imong na-download.
Mailhan nimo nga kinahanglang i-update ang publikasyon kon kini may refresh icon. Inig-tap nimo sa publikasyon, molutaw ang mensahe nga dunay update para niini. I-tap ang Download kon gusto nimong i-update, o Later kon gusto nimong ipadayog basa ang version nga naa nimo.
Para makita kon unsang mga publikasyon ang dunay updates, i-open ang navigation drawer ug dayon ang Publications. Kon dunay mga update, makita ang Pending Updates section. I-tap kini para makita kon unsay i-update. I-tap ang publikasyon nga i-update, o ang Update All button para ma-update ang tanang publikasyon nga available.
Kini nga features gi-release niadtong Pebrero 2015 diha sa JW Library 1.4, nga compatible sa Android 2.3 o sa mas bag-ong mga version. Kon kini nga mga feature dili nimo makita, palihog sunda ang mga instruksiyon sa artikulong “Kon Unsaon Paggamit sa JW Library—Android,” ubos sa ulohan nga Get the Latest Features.
