JW LIBRARY
Kon Unsaon Pag-search Diha sa Bibliya o Publikasyon—Android
Magamit nimo ang search feature sa JW Library para makita ang gipangita nimong pulong o phrase diha sa Bibliya o publikasyon.
Sunda ang mosunod nga mga instruksiyon kon unsaon pag-search:
Kon Unsaon Pag-search Diha sa Bibliya
Puwede kang mag-search diha mismo sa Bibliya nga imong gibasa.
I-tap ang Search button; dayon itayp ang pulong nga imong gipangita. May makita kang mga suggestion. I-tap ang usa ka suggestion o ang Enter button para makita ang mga resulta.
Makita sa Top Verses ang mga bersikulo nga kanunay nimong basahon nga mo-match pod sa imong gipangita. Makita sa All Verses ang tanang mo-match nga bersikulo base sa pagkahan-ay sa mga basahon sa Bibliya. Makita sa Articles ang mo-match nga mga artikulo diha sa mga introduksiyon ug apendise sa Bibliya.
I-check ang Match Exact Phrase para makita ang eksaktong mga resulta base sa imong gitayp.
Kon Unsaon Pag-search Diha sa Publikasyon
Puwede kang mag-search diha mismo sa Publikasyon nga imong gibasa.
I-tap ang Search button; dayon itayp ang pulong nga imong gipangita. May makita kang mga suggestion. I-tap ang usa ka suggestion o ang Enter button para makita ang mga resulta.
I-check ang Match Exact Phrase para makita ang eksaktong mga resulta base sa imong gitayp.
Kon Unsaon Pag-search ug Topiko
Kon naka-download kag Pagtugkad sa Kasulatan, puwede kang mag-search ug topiko nga naa sa Pagtugkad. Magamit ni siya nga feature bisag nagbasa ka ug Bibliya o publikasyon.
I-tap ang Search button, dayon i-type ang topiko nga gusto nimong mabasa. May makita kang mga suggestion nga mo-match sa topiko nga imong gipangita diha sa Pagtugkad sa Kasulatan. I-tap ang napili nimo nga topiko para mabasa ni.
Kini nga features gi-release niadtong Oktubre 2014 diha sa JW Library 1.3.4, nga compatible sa Android 2.3 o sa mas bag-ong mga version. Kon kini nga mga feature dili nimo makita, palihog sunda ang mga instruksiyon sa artikulong “Kon Unsaon Paggamit sa JW Library—Android,” ubos sa ulohan nga Get the Latest Features.
