JW LIBRARY
Kon Unsaon Pag-download ug Pag-manage sa mga Publikasyon—iOS
Daghan kaayong libro, brosyur, tract, ug video ang mabasa ug matan-aw sa JW Library bisag offline.
Sunda ang mosunod nga mga instruksiyon kon unsaon pag-download ug pag-manage sa mga publikasyon:
Kon Unsaon Pag-download ug Publikasyon
Puwede kang mag-download bisag pila pa ka publikasyon para basahon ug tun-an bisag offline.
I-tap ang Publications tab aron makita ang listahan sa mga publikasyon.
I-tap ang Languages button aron makita nimo ang listahan sa tanang available nga publikasyon sa lainlaing pinulongan. Pilia ang pinulongan nga gusto nimong tan-awon. Ang mga pinulongan nga kanunay nimong gigamit naa sa ibabawng bahin sa listahan. Maka-search sab ka pinaagi sa pag-type sa pinulongan.
Dunay lainlaing paagi sa pagpangitag publikasyon sa JW Library.
Makita sa By Type section ang mga publikasyon sa pinulongan nga imong gipili nga gihan-ay depende sa type niini, sama sa Books, Tracts, o Videos. Kon i-tap nimo ang usa ka type, makita nimo ang ubang option, sama sa The Watchtower nga gihan-ay base sa tuig o Videos nga gihan-ay base sa klase niini. I-tap ang All Types aron mobalik sa sinugdanan sa listahan.
Makita sa What’s New section ang mga publikasyon nga bag-o pang gi-release sa pinulongan nga imong gipili.
Makita ang cloud icon sa publikasyon nga wala pa ma-download. I-tap ang publikasyon para ma-download kini. Kon ma-download na nimo ang publikasyon, mawala na ang cloud icon. I-tap pag-usab ang publikasyon aron mabasa ni.
Makita sa Downloaded section ang tanang publikasyon nga imong gi-download sa bisan unsang pinulongan. Puwede nimo ning han-ayon base sa mga option nga Title, Frequently Used, Rarely Used, o Largest Size.
Kon Unsaon Pag-delete ug Publikasyon
Puwede nimong i-delete ang publikasyon nga dili na nimo kinahanglan o kon puno na ang imong storage.
I-tap ang Publications tab, ug dayon ang publication type (pananglitan, Books) aron imong makita ang listahan sa mga publikasyon. I-tap ang Select button, dayon i-tap ang matag publikasyon nga gusto nimong i-delete. Puwede pod nimong pindoton ug dugay ang publikasyon aron ma-select kini. I-tap ang Delete button, dayon i-confirm nga gusto nimong i-delete ang publikasyon.
Kon puno na imong storage, puwede nimong i-delete ang mga publikasyon nga wala kaayo nimo gamita o mokaon ug dakong space. I-tap ang Publications tab, dayon ang Downloaded section ug i-sort ang listahan base sa mga option nga Rarely Used o Largest Size. I-delete ang mga publikasyon nga wala na nimo gamita.
Kon Unsaon Pag-update ug Publikasyon
Usahay dunay update para sa publikasyon nga imong na-download.
Mailhan nimo nga kinahanglang i-update ang publikasyon kon kini may refresh icon. Inig-tap nimo sa publikasyon, molutaw ang mensahe nga dunay update para niini. I-tap ang Download kon gusto nimo ning i-update, o ang Later kon gusto nimong ipadayon ug basa ang version nga naa nimo.
Para makita kon unsang mga publikasyon ang dunay mga update, i-tap ang Publications tab. Kon dunay mga update, makita ang Pending Updates section. I-tap kini para makita kon unsay i-update. I-tap ang publikasyon nga i-update, o i-tap ang Update All button para ma-update ang tanang publikasyon nga available.
Kini nga mga feature gi-release niadtong Pebrero 2015 diha sa JW Library 1.4, nga compatible sa iOS 6.0 o sa mas bag-ong mga version. Kon dili nimo makita kini nga mga feature, palihog sunda ang mga instruksiyon sa artikulong “Kon Unsaon Paggamit sa JW Library—iOS,” ubos sa Gamita ang Kinabag-ohang Features.
