JW LIBRARY
Kon Unsaon Pag-search Diha sa Bibliya o Publikasyon—iOS
Magamit nimo ang search feature sa JW Library para makita ang gipangita nimong pulong o phrase diha sa Bibliya o publikasyon.
Sunda ang mosunod nga mga instruksiyon kon unsaon pag-search:
Kon Unsaon Pag-search Diha sa Bibliya
Puwede kang mag-search diha mismo sa Bibliya nga imong gibasa.
Samtang nagbasag Bibliya, i-tap ang Search button, dayon pag-type ug pulong nga gusto nimong pangitaon. Samtang mag-type ka, makakita kag mga sugyot. Aron makita ang mga resulta, i-tap ang usa ka sugyot o i-tap ang Search button sa keyboard.
Makita sa Top Verses ang mga bersikulo nga kanunay nimong basahon nga mo-match pod sa imong gipangita. Makita sa All Verses ang tanang mo-match nga bersikulo base sa pagkahan-ay sa mga basahon sa Bibliya. Makita sa Articles ang mo-match nga mga artikulo diha sa mga introduksiyon ug apendise sa Bibliya.
Kon daghang pulong ang imong i-type, i-check ang Match Exact Phrase para makita ang eksaktong mga resulta sa phrase nga imong gi-type.
Kon Unsaon Pag-search Diha sa Publikasyon
Puwede kang mag-search diha mismo sa Publikasyon nga imong gibasa.
Samtang nagbasag publikasyon, i-tap ang Search button, dayon pag-type ug pulong nga gusto nimong pangitaon. Samtang mag-type ka, makakita kag mga sugyot. Aron makita ang mga resulta, i-tap ang usa ka sugyot o i-tap ang Search button sa keyboard.
Kon daghang pulong ang imong i-type, i-check ang Match Exact Phrase para makita nimo ang eksaktong mga resulta sa phrase nga imong gi-type.
Kon Unsaon Pag-search ug Topiko
Kon naka-download kag Pagtugkad sa Kasulatan, puwede kang mag-search ug topiko nga naa sa Pagtugkad. Magamit ni siya nga feature bisag nagbasa ka ug Bibliya o publikasyon.
I-tap ang Search button, dayon i-type ang topiko nga gusto nimong mabasa. May makita kang mga sugyot nga mo-match sa topiko nga imong gipangita diha sa Pagtugkad sa Kasulatan. I-tap ang napili nimo nga topiko para mabasa ni.
Kini nga mga feature gi-release niadtong Oktubre 2014 diha sa JW Library 1.3.4, nga compatible sa iOS 6.0 o sa mas bag-ong mga version. Kon dili nimo makita kini nga feature, palihog sunda ang mga instruksiyon sa artikulong “Kon Unsaon Paggamit sa JW Library—iOS,” ubos sa Gamita ang Kinabag-ohang Features.
