1 Corinto 8:1-13
8 Karon mahitungod sa mga pagkaon nga gitanyag ngadto sa mga idolo:+ kita nahibalo nga kitang tanan adunay kahibalo.+ Ang kahibalo nagapaburot, apan ang gugma nagapalig-on.+
2 Kon adunay naghunahuna nga siya nakabaton na ug kahibalo sa usa ka butang,+ siya wala pa mahibalo niini ingon sa angay niyang mahibaloan niini.+
3 Apan kon ang usa ka tawo nahigugma sa Diyos,+ kini siya nailhan niya.+
4 Karon mahitungod sa pagkaon+ sa mga pagkaon nga gitanyag ngadto sa mga idolo, kita nahibalo nga ang idolo walay bili+ sa kalibotan, ug nga walay laing Diyos gawas sa usa lamang.+
5 Kay bisan tuod adunay gipanagtawag nga mga “diyos,”+ sa langit+ man o sa yuta,+ ingon nga adunay daghang “diyos” ug daghang “ginoo,”+
6 alang kanato sa pagkatinuod adunay usa lamang ka Diyos+ nga Amahan,+ nga gikan kaniya ang tanang butang, ug kita alang kaniya;+ ug adunay usa ka Ginoo,+ si Jesu-Kristo,+ nga pinaagi kaniya ang tanang butang,+ ug kita pinaagi kaniya.
7 Bisan pa niana, kining kahibaloa wala sa tanang tawo;+ apan ang pipila, nga naanad sa idolo hangtod karon, nanagkaon ug pagkaon ingong butang nga gihalad ngadto sa idolo,+ ug ang ilang tanlag, kay maluya man, nahugawan.+
8 Apan ang pagkaon dili magpahimo kanato nga dalayegon sa Diyos;+ kon kita dili mokaon, kita walay pagkulang, ug, kon kita mokaon, kita walay dungog sa atong kaugalingon.+
9 Apan magpadayon sa pagbantay nga kining inyong awtoridad dili mahimong kapandolan sa unsa mang paagi sa mga maluya.+
10 Kay kon may makakita kanimo, ang usa nga may kahibalo, nga naghirag sa kan-anan sa usa ka templo sa idolo, dili ba unya ang tanlag nianang usa nga maluya madasig nga mokaon sa mga pagkaon nga gitanyag sa mga idolo?+
11 Sa pagkatinuod, pinaagi sa imong kahibalo, ang tawo nga maluya nadaot, ang imong igsoon nga tungod kaniya si Kristo namatay.+
12 Apan sa dihang kamo sa ingon nakasala batok sa inyong mga igsoon ug nakasamad sa ilang tanlag+ nga maluya, kamo nakasala batok kang Kristo.
13 Busa, kon ang pagkaon makapandol sa akong igsoon,+ dili na gayod ako mokaon pag-usab ug karne, aron ako dili makapandol sa akong igsoon.+
