1 Cronicas 13:1-14
13 Ug gikonsulta ni David ang mga pangulo sa linibo ug sa ginatos ug ang matag pangulo;+
2 ug si David nagkanayon sa tibuok kongregasyon sa Israel: “Kon daw maayo alang kaninyo ug kon dalawaton kang Jehova nga atong Diyos, paadtoan nato ang atong mga igsoon nga nahibilin sa tanang kayutaan sa Israel+ ug uban kanila ang mga saserdote+ ug ang mga Levihanon+ diha sa ilang mga siyudad+ nga may mga sibsibanan, aron sila magtapok uban kanato.
3 Ug atong dad-on ang arka+ sa atong Diyos dinhi kanato.” Kay sila wala mag-atiman niini sa mga adlaw ni Saul.+
4 Busa ang tibuok kongregasyon misulti nga kana ang buhaton, kay ang maong butang daw maayo sa mga mata sa tanang katawhan.+
5 Busa gitigom ni David+ ang tibuok Israel gikan sa suba sa Ehipto+ hangtod didto sa pagsulod sa Hamat,+ aron dad-on ang arka+ sa matuod nga Diyos gikan sa Kiriat-jearim.+
6 Ug si David ug ang tibuok Israel mitungas ngadto sa Baala,+ sa Kiriat-jearim, nga sakop sa Juda, aron gikan didto dad-on ang arka sa matuod nga Diyos, si Jehova, nga naglingkod ibabaw sa mga kerubin,+ diin ang iyang ngalan gitawag.
7 Hinunoa, ilang gisakay ang arka sa matuod nga Diyos sa usa ka bag-ong karomata+ gikan sa balay ni Abinadab, ug si Uzah ug si Ahio+ maoy nagdala sa karomata.
8 Ug si David ug ang tibuok Israel nagsaulog+ atubangan sa matuod nga Diyos uban sa bug-os nga kusog ug uban sa mga awit+ ug sa mga alpa+ ug sa kinuldasan nga mga tulonggon+ ug sa mga tamborin+ ug sa mga piyangpiyang ug sa mga trompeta.+
9 Ug sa kataposan sila nakaabot hangtod sa giokanan sa Kidon,+ ug karon si Uzah mikab-ot sa iyang kamot aron sa paghawid sa Arka,+ kay hapit kining malintuwad sa mga torong baka.
10 Niana ang kasuko ni Jehova misilaob batok kang Uzah, maong siya nagpatay kaniya tungod kay iyang gituy-od ang iyang kamot ngadto sa Arka,+ ug siya namatay didto atubangan sa Diyos.+
11 Ug si David nasuko+ tungod kay miulbo ang kasuko ni Jehova batok kang Uzah; ug kadtong dapita gitawag nga Perez-uzah hangtod niining adlawa.
12 Ug si David nahadlok sa matuod nga Diyos niadtong adlawa,+ nga nag-ingon: “Unsaon ko pagdala sa arka sa matuod nga Diyos nganhi kanako?”+
13 Ug wala balhina ni David ang Arka ngadto kaniya sa Siyudad ni David, apan iyang gidala kini ngadto sa balay ni Obed-edom+ nga Gitihanon.+
14 Ug ang arka sa matuod nga Diyos nagpabilin sa panimalay ni Obed-edom, didto sa iyang balay+ sa tulo ka bulan; ug si Jehova nagpanalangin+ sa panimalay ni Obed-edom ug sa tanan nga iyaha.
