1 Juan 1:1-10
1 Kanang diha na sukad pa sa sinugdan,+ nga among nadungog,+ nga among nakita sa among mga mata,+ nga among nasud-ong+ pag-ayo ug nahikap sa among mga kamot,+ mahitungod sa pulong sa kinabuhi,+
2 (oo, ang kinabuhi gipadayag,+ ug kami nakakita ug nagpamatuod+ ug nagtaho kaninyo sa kinabuhing walay kataposan+ nga uban sa Amahan ug gipadayag kanamo,)
3 kanang among nakita ug nadungog among gitaho usab kaninyo,+ aron kamo usab makig-ambit uban kanamo.+ Dugang pa, kining atong pagpakig-ambit+ maoy uban sa Amahan ug uban sa iyang Anak nga si Jesu-Kristo.+
4 Ug busa kami nagsulat niining mga butanga aron mabug-os ang atong kalipay.+
5 Ug kini mao ang mensahe nga among nadungog gikan kaniya ug gipahibalo kaninyo,+ nga ang Diyos maoy kahayag+ ug diha kaniya wala gayoy kangitngit.+
6 Kon kita magapahayag: “Kita adunay pakig-ambitay uban kaniya,” apan kita nagpadayon sa paglakaw diha sa kangitngit,+ kita namakak ug wala magbuhat sa kamatuoran.+
7 Hinunoa, kon kita nagalakaw diha sa kahayag ingon nga siya anaa sa kahayag,+ kita adunay pakig-ambitay sa usag usa,+ ug ang dugo+ ni Jesus nga iyang Anak nagahinlo+ kanato gikan sa tanang sala.+
8 Kon kita magapahayag: “Kita walay sala,”+ kita nagpahisalaag sa atong kaugalingon+ ug wala kanato ang kamatuoran.
9 Kon atong isugid ang atong mga sala,+ siya kasaligan ug matarong nga mopasaylo kanato sa atong mga sala ug mohinlo kanato gikan sa tanang pagkadili-matarong.+
10 Kon kita magapahayag: “Kita wala makasala,” kita naghimo kaniya nga bakakon, ug ang iyang pulong wala kanato.+
