Salmo 107:1-43
(Mga Salmo 107 – 150)
107 Oh magpasalamat kamo kang Jehova, kay siya maayo;+Kay ang iyang mahigugmaong-kalulot maoy hangtod sa panahong walay tino.+
2 Pasultiha niana ang mga binawi ni Jehova,+Nga gibawi niya gikan sa kamot sa kaaway,+
3 Ug nga iyang gitigom gikan sa kayutaan,+Gikan sa sidlakan ug gikan sa kasadpan,+Gikan sa amihanan ug gikan sa habagatan.+
4 Sila naglatagaw sa kamingawan,+ sa desyerto;+Wala sila makakaplag ug dalan paingon sa usa ka siyudad nga kapuy-an.+
5 Sila gigutom, giuhaw usab;+Ang ilang kalag sa ilang kahiladman naluya.+
6 Ug mituaw sila kang Jehova sa ilang kasakitan;+Gikan sa ilang mga kapit-osan giluwas niya sila,+
7 Ug gipasubay sila sa husto nga dalan,+Aron makadangat sila sa usa ka siyudad nga kapuy-an.+
8 Oh nga magpasalamat unta ang katawhan kang Jehova tungod sa iyang mahigugmaong-kalulot+Ug tungod sa iyang katingalahang mga buhat alang sa mga anak sa mga tawo.+
9 Kay gitagbaw niya ang kalag nga giuhaw;+Ug gibusog niya sa maayong mga butang ang kalag nga gigutom.+
10 May mga nagapuyo sa kangitngit ug sa mabagang kangiob,+Mga binilanggo sa kasakitan ug sa mga puthaw.+
11 Kay nagmasuklanon+ sila batok sa mga pulong sa Diyos;+Ug wala sila motahod sa tambag sa Labing Hataas.+
12 Busa pinaagi sa kalisdanan gipaluya niya ang ilang kasingkasing;+Sila nangapandol, ug walay usa nga mitabang.+
13 Ug mitawag sila kang Jehova alang sa tabang diha sa ilang kasakitan;+Gikan sa ilang mga kapit-osan iya gihapong giluwas sila.+
14 Iyang gipagawas sila gikan sa kangitngit ug sa mabagang kangiob,+Ug gilugtas ang ilang mga gapos.+
15 Oh nga magpasalamat unta ang katawhan kang Jehova tungod sa iyang mahigugmaong-kalulot+Ug tungod sa iyang katingalahang mga buhat alang sa mga anak sa mga tawo.+
16 Kay giguba niya ang tumbagang mga pultahan,+Ug giputol niya ang puthawng mga trangka.+
17 Kadtong mga buangbuang, gumikan sa ilang paagi sa paglapas+Ug gumikan sa ilang kasaypanan, sa kaulahiay sila nagsakit sa ilang kaugalingon.+
18 Ang ilang kalag giluod sa tanang matang sa pagkaon,+Ug nahiabot sila sa ganghaan sa kamatayon.+
19 Ug mitawag kang Jehova alang sa tabang diha sa ilang kasakitan;+Iyang giluwas gihapon sila gikan sa ilang mga kapit-osan.+
20 Iyang gipadala ang iyang pulong ug giayo sila+Ug gitagan-an sila ug kaikyasan gikan sa ilang mga gahong.+
21 Oh nga magpasalamat unta ang katawhan kang Jehova tungod sa iyang mahigugmaong-kalulot+Ug tungod sa iyang katingalahang mga buhat alang sa mga anak sa mga tawo.+
22 Ug nga itanyag unta nila ang mga halad-sa-pagpasalamat+Ug ipahayag ang iyang mga buhat uban ang hugyaw sa kalipay.+
23 Sila nga mangadto sa dagat diha sa mga barko,+Nga magapatigayon diha sa dagkong katubigan,+
24 Sila mao ang nakakita sa mga buhat ni Jehova+Ug sa iyang katingalahang mga buhat sa mga kahiladman;+
25 Kon giunsa niya paglitok sa pulong ug sa pagpahinabo nga motungha ang unos,+Mao nga kini magpataas sa iyang mga balod.+
26 Sila mosaka sa kalangitan,Sila manaog sa mga kahiladman.Tungod sa katalagman matunaw ang ila mismong mga kalag.+
27 Sila magsusapinday ug magparagparag sama sa usa ka hubog nga tawo,+Ug bisan ang tanan nilang kaalam malibog.+
28 Ug sila nagatuaw kang Jehova diha sa ilang kasakitan,+Ug gikan sa ilang mga kapit-osan siya nagpagawas kanila.+
29 Siya makapalurang sa unos,+Mao nga molinaw ang mga balod sa dagat.+
30 Ug sila magmaya tungod kay kini molinaw,Ug iyang pagadad-on sila ngadto sa dunggoanan nga ilang gikahimut-an.+
31 Oh nga magpasalamat unta ang katawhan kang Jehova tungod sa iyang mahigugmaong-kalulot+Ug tungod sa iyang katingalahang mga buhat alang sa mga anak sa mga tawo.+
32 Ug ipahimaya nila siya diha sa kongregasyon sa katawhan;+Ug ipadayeg nila siya diha sa lingkoranan sa mga tigulang nga lalaki.+
33 Ginahimo niya ang mga suba nga kamingawan,+Ug ang mga tubod sa tubig nga umaw nga yuta,+
34 Ang mabungahong yuta nga yuta sa asin,+Tungod sa pagkadaotan sa mga nagapuyo niini.
35 Ginahimo niya ang kamingawan nga punog-tangbo nga linaw sa tubig,+Ug ang yuta sa walay-tubig nga rehiyon ingon nga mga tubod sa tubig.+
36 Ug ginapapuyo niya didto ang mga gigutom,+Aron lig-ong makatukod sila ug usa ka siyudad nga kapuy-an.+
37 Ug sila nagapugas sa kaumahan ug nagtanom ug kaparasan,+Aron sila mamunga ug dagayang mga abot.+
38 Ug iyang panalanginan sila aron nga modaghan sila pag-ayo;+Ug dili niya itugot nga mahimong diyutay ang ilang kahayopan.+
39 Sila mahimong diyutay na usab ug matikuko+Tungod sa pagkapiniotan, katalagman ug kagul-anan.+
40 Siya nagabubo ug pagtamay ibabaw sa mga hamili,+Mao nga iyang gipalatagaw sila sa kamingawan, diin walay dalan.+
41 Apan siya nagapanalipod sa kabos gikan sa kasakitan+Ug nagahimo kaniya nga mga banay sama sa usa ka panon sa kahayopan.+
42 Ang mga matul-id makakita ug magamaya;+Apan ang tanang pagkadili-matarong, pagatak-omon niini ang iyang baba.+
43 Kinsa man ang maalamon? Iyang pagatumanon usab kining mga butanga+Ug pagatagdon ang mga buhat sa mahigugmaong-kalulot ni Jehova.+
