Salmo 15:1-5
Salmo ni David.
15 Oh Jehova, kinsa man ang mahimong dinapit sa imong tolda?+Kinsa man ang mopuyo sa imong bukid nga balaan?+
2 Siya nga nagalakaw nga walay-ikasaway+ ug nagabuhat sa pagkamatarong+Ug nagasulti sa kamatuoran diha sa iyang kasingkasing.+
3 Wala siya magbutangbutang pinaagi sa iyang dila.+Wala siyay gihimong daotan sa iyang kauban,+Ug wala siyay gihimong pakaulaw batok sa iyang suod nga kaila.+
4 Sa iyang mga mata si bisan kinsa nga talamayon tinong isalikway,+Apan kadtong mahadlok kang Jehova iyang pasidunggan.+Siya nakapanumpa kon unsay daotan alang sa iyang kaugalingon, bisan pa niana siya dili magausab.+
5 Siya wala magpahulam sa iyang salapi nga may tubo,+Ug wala magadawat ug hiphip batok sa mga inosente.+Siya nga nagabuhat niining mga butanga dili gayod matarog.+
