Salmo 21:1-13
Ngadto sa direktor. Usa ka salmo ni David.
21 Oh Jehova, diha sa imong kusog ang hari magamaya;+Ug diha sa imong kaluwasan buot gayod niya nga magmalipayon uyamot!+
2 Ang tinguha sa iyang kasingkasing imong gihatag kaniya,+Ug ang pangandoy sa iyang mga ngabil wala nimo ihikaw.+ Seʹlah.
3 Kay gisugat mo siya uban ang mga panalangin sa kaayohan,+Ug nagbutang ka sa iyang ulo ug purongpurong sa dinalisay nga bulawan.+
4 Kinabuhi ang iyang gipangayo kanimo. Imo kining gihatag kaniya,+Ang gidaghanon sa mga adlaw hangtod sa panahong walay tino, bisan hangtod sa kahangtoran.+
5 Ang iyang himaya dako sa imong kaluwasan.+Dignidad ug kahalangdon imong gibutang kaniya.+
6 Kay gihimo mo siyang bulahan kaayo hangtod sa kahangtoran;+Gilipay mo siya uban ang pagmaya sa imong atubangan.+
7 Kay ang hari nagasalig kang Jehova,+Ingon man sa mahigugmaong-kalulot sa Labing Hataas. Dili siya matarog.+
8 Makaplagan sa imong kamot ang tanan nimong mga kaaway;+Ug makaplagan sa imong tuong kamot kadtong mga nagadumot kanimo.
9 Himoon mo silang ingon sa usa ka nagakalayo nga hudno sa tinudlong panahon alang sa imong pagtagad.+Sa iyang kasuko si Jehova magatulon kanila, ug ang kalayo magalamoy kanila.+
10 Ang ilang bunga imong pagalaglagon gikan sa yuta,+Ug ang ilang kaliwat gikan sa mga anak sa mga tawo.+
11 Kay ilang gipunting batok kanimo kon unsay daotan;+Ilang gimugna ang mga laraw nga dili nila arang mabuhat.+
12 Kay patalikoron mo sila aron sa pagkalagiw+Pinaagi sa mga pisi sa imong busogan nga imong giandam batok sa ilang nawong.+
13 Oh mabayaw ka unta diha sa imong kusog, Oh Jehova.+Kami magaawit ug magaawit ug mga pagdayeg sa imong pagkagamhanan.+
