Salmo 37:1-40
Iya ni David.
א [ʼAʹleph]
37 Ayaw pagpanginit tungod sa mga mamumuhat ug daotan.+Ayaw pagkasina sa mga nagabuhat ug dili-matarong.+
2 Kay sa madali mangalaya sila sama sa balili,+Ug sama sa lunhaw nga balili mangahanaw sila.+
ב [Behth]
3 Salig kang Jehova ug buhata ang maayo;+Magpuyo ka sa yuta, ug makiglabot ka uban ang pagkamatinumanon.+
4 Magbaton ka usab ug tumang kalipay diha kang Jehova,+Ug ihatag niya kanimo ang mga hangyo sa imong kasingkasing.+
ג [Giʹmel]
5 Itugyan kang Jehova ang imong dalan,+Ug salig kaniya,+ ug siya molihok.+
6 Ug ipadan-ag gayod niya ang imong pagkamatarong ingon sa kahayag,+Ug ang imong hustisya ingon sa kaudtohon.+
ד [Daʹleth]
7 Magpakahilom ka sa atubangan ni Jehova+Ug maghulat ka nga mapangandoyon kaniya.+Ug ayaw pagpanginit kang bisan kinsa nga nagmalamposon sa iyang dalan,+Sa tawo nga nagapahinabo sa iyang mga gihunahuna.+
ה [Heʼ]
8 Likayi ang kasuko ug biyai ang kaaligutgot;+Ayaw pagpanginit nga mosangko lamang sa pagbuhat ug daotan.+
9 Kay ang mga mamumuhat ug daotan pagaputlon,+Apan ang mga nagalaom kang Jehova mao ang magapanag-iya sa yuta.+
ו [Waw]
10 Sa dili na madugay, ug ang daotan mawala na;+Ug pagasusihon mo gayod ang iyang dapit, ug siya mawala diha.+
11 Apan ang mga maaghop magapanag-iya sa yuta,+Ug sila makakaplag gayod sa ilang tumang kalipay sa kadagaya sa pakigdait.+
ז [Zaʹyin]
12 Ang daotan nagalaraw batok sa matarong,+Ug tungod kaniya siya nagapakagot sa iyang ngipon.+
13 Si Jehova magakatawa kaniya,+Kay siya makakita gayod nga ang iyang adlaw moabot.+
ח [Chehth]
14 Ang mga daotan naghulbot sa espada ug nagbawog sa ilang busogan,+Aron sa pagpukan sa sinakit ug sa kabos,+Aron pagapatyon kadtong mga matul-id sa ilang dalan.+
15 Ang kaugalingon nilang espada molagbas sa ilang kasingkasing,+Ug ang kaugalingon nilang mga busogan mangabali.+
ט [Tehth]
16 Maayo pa ang diyutay sa matarong+Kay sa kadagaya sa daghang daotan.+
17 Kay ang mga bukton sa mga daotan mangabali,+Apan si Jehova magasapnay sa mga matarong.+
י [Yohdh]
18 Si Jehova nahibalo sa mga adlaw sa mga walay-ikasaway,+Ug ang ilang panulondon magapadayon bisan hangtod sa panahong walay tino.+
19 Dili sila maulawan sa panahon sa katalagman,+Ug sa mga adlaw sa gutom pagabusgon sila.+
כ [Kaph]
20 Kay ang mga daotan mangalaglag,+Ug ang mga kaaway ni Jehova mahisama sa kabililhon sa mga sibsibanan;Matibawas sila.+ Mahanaw sila sama sa aso.+
ל [Laʹmedh]
21 Ang daotan nagapangutang ug dili mobayad,+Apan ang matarong nagapakitag kaluoy ug nagahatag ug mga gasa.+
22 Kay sila nga ginapanalanginan niya magapanag-iya sa yuta,+Apan sila nga ginapanghimaraot niya pagalaglagon.+
מ [Mem]
23 Pinaagi ni Jehova ang mga lakang sa usa ka tawo nga lig-on ug lawas naandam,+Ug Siya nagakalipay diha sa iyang dalan.+
24 Bisan pa ug matumba siya, dili siya malup-og,+Kay si Jehova magasapnay kaniya sa iyang kamot.+
נ [Nun]
25 Batan-on ako kaniadto, ako natigulang na usab,+Apan wala ako makakita ug matarong nga gibiyaan sa bug-os,+Ni sa iyang kaliwat nga nagapangita ug tinapay.+
26 Sa tibuok nga adlaw siya nagapakitag kaluoy ug nagapahulam,+Ug busa ang iyang kaliwat makadawat ug panalangin.+
ס [Saʹmekh]
27 Pahilayo sa daotan ug buhata ang maayo,+Ug magpuyo ka hangtod sa panahong walay tino.+
28 Kay si Jehova mahigugmaon sa hustisya,+Ug dili niya pagabiyaan ang mga maunongon kaniya.+
ע [ʽAʹyin]Sila pagabantayan hangtod sa panahong walay tino;+Apan ang kaliwat sa mga daotan, sila pagalaglagon gayod.+
29 Ang mga matarong magapanag-iya sa yuta,+Ug sila magapuyo sa ibabaw niini hangtod sa kahangtoran.+
פ [Peʼ]
30 Ang baba sa matarong mao ang magalitok ug kaalam sa hinayng tingog,+Ug ang iyang dila mao ang magasulti ug katarong.+
31 Ang balaod sa iyang Diyos anaa sa iyang kasingkasing;+Ang iyang paglakaw dili magsusapinday.+
צ [Tsa·dhehʹ]
32 Ang daotan nagabantay kanunay sa matarong+Ug nagatinguha sa pagpatay kaniya.+
33 Kon bahin kang Jehova, dili niya siya itugyan ngadto sa iyang kamot,+Ug dili niya siya ipahayag nga daotan sa dihang siya pagahukman.+
ק [Qohph]
34 Laom kang Jehova ug bantayi ang iyang dalan,+Ug siya magabayaw kanimo aron sa pagpanag-iya sa yuta.+Sa dihang pagalaglagon ang mga daotan, ikaw makakita niana.+
ר [Rehsh]
35 Nakita ko ang daotan nga usa ka malupigon+Ug nagmalamboon ingon sa usa ka malamboon nga kahoy diha sa iyang natugkan nga yuta.+
36 Apan siya miagi, ug ania karon, siya nawala na;+Ug nagpadayon ako sa pagpangita kaniya, ug siya wala hikaplagi.+
ש [Shin]
37 Bantayi ang walay-ikasaway ug tan-awa kanunay ang matul-id,+Kay ang kaugmaon nianang tawhana maoy malinawon.+
38 Apan pagapuohon sa tingob ang mga malapason;+Pagaputlon gayod ang kaugmaon sa mga tawong daotan.+
ת [Taw]
39 Ug ang kaluwasan sa mga matarong magagikan kang Jehova;+Siya ang ilang kuta sa panahon sa kasakitan.+
40 Ug si Jehova magatabang ug magataganag kaikyasan kanila.+Siya magataganag kaikyasan kanila gikan sa mga tawong daotan ug magaluwas kanila,+Tungod kay sila midangop kaniya.+
