Salmo 42:1-11
Ngadto sa direktor. Masʹkil alang sa mga anak ni Kore.+
42 Ingon sa bayeng osa nga nangandoy sa tubig sa kasapaan,Mao man usab ang akong kalag nangandoy kanimo, Oh Diyos.+
2 Ang akong kalag giuhaw gayod sa Diyos,+ sa Diyos nga buhi.+Kanus-a ba ako moanha ug magpakita sa atubangan sa Diyos?+
3 Ang akong mga luha nahimo nga akong pagkaon sa adlaw ug sa gabii,+Samtang nagaingon sila kanako sa tibuok nga adlaw: “Hain man ang imong Diyos?”+
4 Hinumdoman ko kining mga butanga, ug ibubo ko ang akong kalag sa sulod nako.+Kay kaniadto ako miagi uban sa panon sa katawhan,Kaniadto ako naglakaw nga hinay sa ilang atubangan ngadto sa balay sa Diyos,+Uban ang tingog sa hugyaw sa kalipay ug pagpasalamat,+Sa usa ka panon nga nagsaulog sa usa ka pista.+
5 Nganong nawad-an ka ug paglaom, Oh kalag ko,+Ug nganong gubot ka sa sulod nako?+Paghulat sa Diyos,+Kay pagadayegon ko pa siya ingon nga akong dakong kaluwasan.+
6 Oh Diyos ko, nawad-an ug paglaom ang akong kalag sa sulod nako.+Busa nahinumdom ako kanimo,+Gikan sa yuta sa Jordan ug sa mga tayuktok sa Hermon,+Gikan sa gamay nga bukid.+
7 Ang halawom nga katubigan nagatawag sa halawom nga katubiganSa dinaguok sa imong mga busay.Ang tanan nimong tinapya ug ang imong mga balod+—Miagi sila sa ibabaw nako.+
8 Sa maadlaw sugoon ni Jehova ang iyang mahigugmaong-kalulot,+Ug sa magabii ang iyang awit magauban kanako;+Adunay pag-ampo ngadto sa Diyos sa akong kinabuhi.+
9 Magaingon ako sa Diyos nga akong dakong bato:+“Nganong nahikalimtan mo ako?+Nganong magalakaw ako nga masulub-on tungod sa pagpanglupig sa kaaway?”+
10 Kadtong nagapakitag pagbatok kanako nagpakaulaw kanako+ pinaagi sa pagbuno kanako batok sa akong mga bukog,Samtang nagaingon sila kanako sa tibuok nga adlaw: “Hain man ang imong Diyos?”+
11 Nganong nawad-an ka ug paglaom, Oh kalag ko,+Ug nganong gubot ka sa sulod nako?+Paghulat sa Diyos,+Kay pagadayegon ko pa siya ingon nga akong dakong kaluwasan ug ingon nga akong Diyos.+
