Salmo 47:1-9
Ngadto sa direktor. Iya sa mga anak ni Kore. Usa ka salmo.
47 Ipakpak ninyong tanan ang inyong mga kamot.+Singgit diha sa kadaogan ngadto sa Diyos uban ang tingog sa hugyaw sa kalipay.+
2 Kay si Jehova, ang Labing Hataas, maoy makalilisang,+Usa ka dakong Hari ibabaw sa tibuok nga yuta.+
3 Buntogon niya ang mga katawhan sa ilalom nato+Ug ang nasodnong mga pundok sa ilalom sa atong mga tiil.+
4 Pilion niya alang kanato ang atong panulondon,+Ang garbo ni Jacob, nga iyang gihigugma.+ Seʹlah.
5 Misaka ang Diyos uban ang malipayong pagsinggit,+Si Jehova uban ang tingog sa budyong.+
6 Magaawit kamo ug mga pagdayeg sa Diyos, magaawit kamo ug mga pagdayeg.+Magaawit kamo ug mga pagdayeg ngadto sa atong Hari, magaawit kamo ug mga pagdayeg.
7 Kay ang Diyos maoy Hari sa tibuok nga yuta;+Magaawit kamo ug mga pagdayeg, nga magagawing maalamon.+
8 Ang Diyos nahimong hari ibabaw sa mga nasod.+Ang Diyos naglingkod sa iyang balaan nga trono.+
9 Ang mga hamili sa mga katawhan nagtigom,+Uban sa katawhan sa Diyos ni Abraham.+Kay ang mga taming sa yuta iya sa Diyos.+Hataas kaayo siya sa iyang pagkatuboy.+
