Unang Cronicas 18:1-17
18 Paglabay sa pipila ka panahon, si David nakig-away sa mga Filistehanon ug iyang gipildi sila ug iyang nailog ang Gat+ ug ang mga lungsod nga sakop* niini gikan sa kamot sa mga Filistehanon.+
2 Unya iyang gipildi ang Moab,+ ug ang mga Moabihanon nahimong mga sulugoon ni David ug sila naghatag kaniyag buhis.*+
3 Gipildi ni David si Hadadezer+ nga hari sa Zoba+ didto duol sa Hamat+ dihang si Hadadezer nagpaingon sa Suba sa Euprates aron ipailalom kini sa iyang awtoridad.+
4 Nailog ni David ang iyang 1,000 ka karo ug nabihag niya ang 7,000 ka mangangabayo ug 20,000 ka sundalo nga nagbaktas.+ Unya gipamiangan ni David ang mga kabayo nga pangkaro, gawas sa 100 ka kabayo.+
5 Dihang ang mga Siryanhon sa Damasco miabot sa pagtabang kang Hadadezer nga hari sa Zoba, napatay ni David ang 22,000 ka Siryanhon.+
6 Unya si David nagbutang ug mga kampo didto sa Damasco sa Sirya, ug ang mga Siryanhon nahimong mga sulugoon ni David ug sila naghatag kaniyag buhis.* Bisan asa moadto si David, si Jehova naghatag kaniyag kadaogan.*+
7 Dugang pa, gikuha ni David ang lingin nga mga taming nga bulawan sa mga alagad ni Hadadezer ug gidala kini sa Jerusalem.
8 Gikan sa Tibhat ug Cun, nga mga siyudad ni Hadadezer, si David nagkuha ug daghan kaayong tumbaga. Gigamit kini ni Solomon sa paghimo sa Dagatdagat nga tumbaga,+ mga haligi, ug mga galamitong tumbaga.+
9 Dihang nabalitaan ni Haring Tou sa Hamat nga gipildi ni David ang tibuok kasundalohan ni Hadadezer nga hari+ sa Zoba,+
10 iya dayong gipaadto si Hadoram nga iyang anak ngadto kang Haring David aron mangomosta kaniya ug pahalipayan siya tungod sa iyang pagpakig-away ug pagpildi kang Hadadezer (kay si Hadadezer kanunay mang makiggubat kang Tou), ug nagdala siyag tanang matang sa mga butang nga gama sa bulawan, plata,* ug tumbaga.
11 Gibalaan kini ni Haring David alang kang Jehova,+ sama sa pagbalaan niya sa mga plata ug bulawan nga iyang gidala gikan sa tanang kanasoran: gikan sa Edom ug Moab, gikan sa mga Ammonhanon,+ mga Filistehanon,+ ug mga Amalekanhon.+
12 Gipatay ni Abisai+ nga anak ni Zeruia+ ang 18,000 ka Edomhanon didto sa Walog sa Asin.+
13 Siya nagbutang ug mga kampo didto sa Edom, ug ang tanang Edomhanon nahimong mga sulugoon ni David.+ Bisan asa moadto si David, si Jehova naghatag kaniyag kadaogan.*+
14 Si David nagpadayon sa paghari sa tibuok Israel,+ ug siya nagpatuman sa hustisya ug pagkamatarong sa tibuok niyang katawhan.+
15 Si Joab nga anak ni Zeruia maoy pangulo sa kasundalohan,+ si Jehosapat+ nga anak ni Ahilud maoy tigrekord,
16 si Zadok nga anak ni Ahitub ug si Ahimelek nga anak ni Abiatar maoy mga saserdote, ug si Savsa maoy sekretaryo.
17 Si Benaias nga anak ni Jehoiada maoy pangulo sa mga Keretnon+ ug mga Peletnon.+ Ug ang mga anak nga lalaki ni David nakabaton sa kinalabwang mga posisyon sunod sa hari.
Mga Footnote
^ O “lungsod sa palibot.”
^ O “tributo.”
^ O “tributo.”
^ O “kaluwasan.”
^ Iningles, silver.
^ O “kaluwasan.”
